Европанинг етакчи 5та лигаси клублари томонидан 2018|2019 йиллар мавсуми учун берилган «заявка»ларга назар ташласак, ОФК аъзолари вакиллари сафи нисбатан торайди. Яъни 13 нафар футболчи кучли бешлик доирасидан чиқиб кетди, янги қўшилганлар сони эса 10 нафарга ҳам етмади.
Ваҳоланки, ОФК таркибидаги 5та жамоа Россияда ўтказилган ЖЧ-2018да чакки иштирок этмади. Ҳар ҳолда, Осиё|Австралия футболи учун энг юқори кўрсаткич қайд этилди (очко олиш бўйича). Шунга асосан мантиқан айниқса, эронлик ва кореялик ўйинчиларнинг еврофутбол марказига талпинишлари кучайиши керак эди. Амалда эса...
Газетамиз орқали ОФК таркибидаги мамлакат футболчиларининг Европада кучли бешлик сирасига кирувчи чемпионатлардаги фаолиятлари ҳақида алоҳида маълумот бера бошлаганимизга ҳам салкам 3 йил бўлибди. Бу сафарги мақоламизда географияни янада кенгайтирамиз.
Хусусан, ОФК терма жамоаларининг етакчи футболчилари Европада нималарга эришишлари мумкинлигини ҳам тахмин қилиб кўрамиз.
Мана, қитъамиз футболининг бугунги бош юлдузларидан бири Сон Хюн Мин Жанубий Корея олимпия терма жамоаси билан Осиё ўйинларида ғолиб чиқиш зарурати туфайли янги мавсум стартида «Тоттенхэм»га етарлича ёрдам беролмади. Хўш, мажбурий ҳарбий хизмат машмашасидан қутулгани унга қандай таъсир қиларкин?
УМУМИЙ КАРТИНА
Мавсум аввалида Англия Премьер-лигасига эронлик Алиризо Жаҳонбахш қадам ташлади. Тўғри, унинг зиммасида каттагина босим йўқ эмас. Голландияда бинойидек тўп сурган футболчидан Англиядаги илк мавсумдаёқ «Брайтон» асосий таркибидан жой олиш ва камида 4-5та гол уриш талаб этилади. Ҳа, форс вингерида еврокубокларда ўйнаш тажрибаси йўқ, шуни назарда тутсак, унинг АПЛда мунтазам равишда гол уриш даражасига чиқиши учун маълум вақт керак, албатта.
Германияда эса ОФК номидан ҳамон асосан Австралия, Жанубий Корея ва Япония вакиллари тўп суришмоқда. Бундеслига клубларида муаммосиз ўйнаб кетиш учун немисча интизомга тезлик билан мослашиш зарур. Умуман, бу чемпионатда майдонда эркин ҳаракатланиш ҳуқуқига эга футболчилар деярли йўқ.
Осиё чемпионатларида тобланган футболчилар эса ўйин интизомига амал қилиш масаласида ҳар доим ҳам ўрнак бўлолмайдилар. Яқин йилларда Сурия ва Эрон футболи вакиллари ҳам немислар диёрига бош суқишса, ажабмас.
Чунончи, улар табиатан яккакурашларга мойил ва рақобатбардош футбол учун жуда мос келишади. Айтиш жоиз, немислар Шарқий Осиёда Бундеслига шуҳратини янада кенгроқ ёйишни исташади ва шу боис, Япония ва кореялик иқтидорли футболчиларга асло бефарқ қарашмайди.
Испания Ла-лигаси ҳамон ОФК «фарзанд»лари учун бегонадек. Ҳа, вақтида Масъуд Шожаи каби шижоати баланд қитъадошларимиз испанларда яхшигина таассурот уйғотишган. Лекин сўнгги йилларда Примеро клублари раҳбарлари асосан Африка ва Жанубий Америкадан келган ўртача савияли ўйинчиларни маъқул кўришмоқда.
Хуллас, айни пайт Ла-лигада осиёлик футболчиларга нон топилмаяпти. Устига устак, тил муаммоси бор. Дейлик, Саудия Арабистони футбол федерацияси яхшигина маблағ тўлаш эвазига миллий жамоанинг 3 нафар футболчисини Ла-Лига клубларига жойлаб қўйганди.
Саудлар мундиалда гуруҳ босқичидан чиқолмаганларидан кейин «мажбурий» легионерларнинг Пиреней ярим оролидаги саргузаштлари якунига етди. Ўз ўрнида алоҳида айтиш керак, айни пайт Ўзбекистон ва Испания футболи ўртасида яхшигина алоқа шаклланмоқда. Орада «Насаф» вакили Азиз Ғаниев Испания Сегундаси жамоаларидан аниқ таклифлар олгани ҳақида гап-сўзлар тарқалганди.
Табиийки, Қарши клуби уни арзон гаровга қўйиб юбормоқчи эмас. Лекин ҳозирда еврофутболда бизнинг йигитларга катта сумма таклиф этадиган клублар йўқ. Бунинг учун аввало, ниманидир исботлаш керак. Акс ҳолда, вакилларимизнинг дейлик, Испания Ла-лигасида кўриш орзумиз орзулигича қолаверади...
Мисол учун, Готоку Сакаи («Гамбург») ва Ли Чун Йонг («Бохум») Германия иккинчи дивизионида ўйнашмоқда. Эронлик энг машҳур ҳужумчилардан бири Ризо Гужаннажод эса Голландия чемпионатидан Кипрнинг АПОЭЛ клубига ўтиб кетди. Шулардан келиб чиқсак, еврофутболга юришни балки қуйи дивизионлар ёки камтаринроқ чемпионатлар орқали бошлаш керакдир.
ТЕРМА ЖАМОАЛАР БЎЙИЧА
Сентябрь ойидаги ўртоқлик ўйинлари воситасида ОФК терма жамоаларининг янгиланган таркиблари билан танишиб олдик маълум даражада. Мисол учун, Эрон миллий жамоаси легионерлари Англия («Брайтон», «Рединг», «Ноттингем Форест»), Франция («Амьен»), Португалия («Маритиму»), Россия («Ахмат»), Бельгия («Эупен», «Шарлеруа»), Туркия («Трабзонспор»), Хорватия («Динамо» Зг.), Қатар («Ал-Аҳли», «Ал-Гарафа») чемпионатларида тўп суришмоқда.
Таркибга жалб этилмаганлар орасида MLS (АҚШ) вакили ҳам бор. Эрон футболи айни шу хориж легиони хизмати билан бугун чўққига чиқди. Зеро, форслар Европада етакчи юлдузлар билан бирга машғулот ўтказишади, уларга қарши тўп суришади, малакали мураббийларнинг тактик чизмаларига мослашишади.
Япония терма жамоаси бош мураббийи эса сентябрда фақат Бельгия ва Германия клубларида тўп сураётган легионерларга имкон берди. Бу футболчилар «самурайлар» либосида атиги 10-18 марта майдонга тушишган, холос.
Кўринишидан, Япония термасида авлодлар алмашуви жараёни бошланиб кетди, чоғи. Жанубий Корея терма жамоасига келсак, португалиялик Пауло Бенту Германия, Англия, Италия, шунингдек, Япония ва Қатар чемпионатларида тўп сурувчи футболчиларга таянди.
ЕВРОПАНИНГ КУЧЛИ 8ТА МИЛЛИЙ ЧЕМПИОНАТИ КЛУБЛАРИ ТОМОНИДАН МАВСУМ-2018|2019 УЧУН «ЗАЯВКА»ГА КИРИТИЛГАН ОФК ФУТБОЛИ ВАКИЛЛАРИ
Т|р. |
Футболчи |
Клуби |
Туғилган санаси |
Мамлакати |
АНГЛИЯ ПРЕМЬЕР-ЛИГАСИ |
||||
1 |
Шинжи Оказаки |
«Лестер» |
16.04.1986 |
Япония |
2 |
Майя Йошида |
«Саутгемптон» |
24.08.1988 |
Япония |
3 |
Ки Сун Ён |
«Ньюкасл» |
24.01.1989 |
Ж.Корея |
4 |
Аарон Муй |
«Хаддерсфилд» |
15.09.1990 |
Австралия |
5 |
Мэттью Райан |
«Брайтон» |
08.04.1992 |
Австралия |
6 |
Сон Хюн Мин |
«Тоттенхэм» |
08.07.1992 |
Ж.Корея |
7 |
Йошинори Муто |
«Ньюкасл» |
15.07.1992 |
Япония |
8 |
Алиризо Жаҳонбахш |
«Брайтон» |
11.08.1993 |
Эрон |
9 |
Эйден О'Нил |
«Бернли» |
04.07.1998 |
Австралия |
ГЕРМАНИЯ БУНДЕСЛИГАСИ |
||||
1 |
Макото Хасебе |
«Айнтрахт» Ф. |
18.01.1984 |
Япония |
2 |
Ку Жа Чол |
«Аугсбург» |
27.02.1989 |
Ж.Корея |
3 |
Шинжи Кагава |
«Боруссия» Д. |
17.03.1989 |
Япония |
4 |
Юя Осако |
«Вердер» |
18.05.1990 |
Япония |
5 |
Меттью Леки |
«Герта» |
04.02.1991 |
Австралия |
6 |
Генки Харагути |
«Ганновер» |
09.05.1991 |
Япония |
7 |
Жи Донг Вон |
«Аугсбург» |
28.05.1991 |
Ж.Корея |
8 |
Юя Кубо |
«Нюрнберг» |
24.12.1993 |
Япония |
9 |
Такаши Усами |
«Фортуна» |
06.05.1992 |
Япония |
10 |
Такума Асано |
«Ганновер» |
10.10.1994 |
Япония |
11 |
Брэндон Боррелло |
«Фрайбург» |
25.07.1995 |
Австралия |
ИСПАНИЯ ЛА-ЛИГАСИ |
||||
1 |
Такаши Инуи |
«Бетис» |
02.06.1988 |
Япония |
2 |
Гаку Шибасаки |
«Хетафе» |
28.05.1992 |
Япония |
ИТАЛИЯ «А» СЕРИЯСИ |
||||
1 |
Али Аднан Козим |
«Аталанта» |
19.12.1993 |
Ироқ |
ФРАНЦИЯ 1-ЛИГАСИ |
||||
1 |
Билли Кеткеофомфоне |
«Анже» |
24.03.1990 |
Лаос |
2 |
Хироки Сакаи |
«Марсель» |
12.04.1990 |
Япония |
3 |
Хун Юн Сук |
«Реймс» |
29.06.1991 |
Ж.Корея |
4 |
Саман Годдос |
«Амьен» |
06.01.1993 |
Эрон |
5 |
Квон Чан Хун |
«Дижон» |
30.06.1994 |
Ж.Корея |
ГОЛЛАНДИЯ ЭРЕДИЗИОНИ |
||||
1 |
Оғил Этимоди |
«Де Графсхап» |
23.01.1987 |
Эрон |
2 |
Азиз Бехич |
ПСВ |
16.12.1990 |
Австралия |
3 |
Марк Биригитти |
НАК |
17.04.1991 |
Австралия |
4 |
Трент Сэйнсбери |
ПСВ |
05.01.1992 |
Австралия |
5 |
Юки Кобаяси |
«Херенвен» |
24.04.1992 |
Япония |
6 |
Муҳаммад Усмон |
«Витесс» |
01.01.1994 |
Сурия |
7 |
Юнинг Чжан |
«АДО Ден Хааг» |
05.01.1997 |
Хитой |
8 |
Жорж Меллс |
«Фортуна» |
23.05.1997 |
Австралия |
9 |
Денис Женру |
«Зволле» |
21.05.1999 |
Австралия |
10 |
Рицу Дон |
«Гронинген» |
16.06.1998 |
Япония |
11 |
Дилан Райан |
«Виллем II» |
10.06.2000 |
Австралия |
ПОРТУГАЛИЯ ПРИМЕРОСИ |
||||
1 |
Осама Рашид |
«Санта-Клара» |
13.01.1992 |
Ироқ |
2 |
Амир Обидзода |
«Маритиму» |
26.04.1993 |
Эрон |
3 |
Шоя Накажима |
«Портимоненше» |
23.08.1994 |
Япония |
4 |
Тео Рюки |
«Портимоненше» |
31.07.1995 |
Япония |
5 |
Абдулла ал Жаваий |
«Маритиму» |
09.03.1996 |
С.Арабистони |
РОССИЯ ПРЕМЬЕР-ЛИГАСИ |
||||
1 |
Виталий Денисов |
«Крилья Советов» |
23.02.1987 |
Ўзбекистон |
2 |
Вадим Афонин |
«Оренбург» |
29.09.1987 |
Ўзбекистон |
3 |
Элдор Шомуродов |
«Ростов» |
29.06.1995 |
Ўзбекистон |
4 |
Достон Ҳамдамов |
«Анжи» |
24.07.1996 |
Ўзбекистон |
5 |
Милад Муҳаммади |
«Ахмат» |
29.03.1993 |
Эрон |
6 |
Сардор Азмун |
«Рубин» |
01.01.1995 |
Эрон |
7 |
Ризо Шакари |
«Рубин» |
31.05.1998 |
Эрон |
8 |
Такуми Нишимура |
ЦСКА |
22.10.1996 |
Япония |
«ПАРМА» ХИТОЙЛИК САРМОЯДОР ИХТИЁРИДА
Италия футболининг анча таниқли клубларидан бири - «Парма» 2015 йили инқироз ҳолатини расман тан олганди. Жамоа шу туфайли «D» сериясига тушириб юборилди. Қарангки, «Парма» юқори дивизионга қайтиш миссиясини атиги 3 мавсумда шараф билан уддалади.
Мана, жамоа яна «A» сериясида ўйнамоқда. Айни пайт пармаликларга португалиялик машҳур Бруно Алвеш сардорлик қиляпти. 2017 йилнинг июнида хитойлик бизнесмен Цзян Лижан Desports компаниялар гуруҳи воситасида клубнинг 60 фоиз акциясини сотиб олди.
У кутилганидек, жамоага тезкор равишда сармоя ажрата бошлади. Эътиборлиси, Лижан Испаниянинг «Гранада» клубини ҳам назорат қилмоқда. 37 ёшли бизнесмен бундан ташқари, АҚШ, Хитой ва Бельгия футболига ҳам сармоя киритган.
Умуман, «Парма»нинг янги хўжайини мухлисларга катта ваъдалар берганди: «Мен клубда катта ўзгаришларга қўл уришни истамайман, чунки у асл ҳолини сақлаб қолиши керак.
Демоқчиманки, «Парма» яна олдингидек гигант жамоа қиёфасига киради ва Италия футболида ўзининг қонуний жойига қайтади.
Тез орада жамоа ва мухлислар билан «А» сериясига чиққанимизни нишонлаймиз». Мана, Лижаннинг ўша сўзлари амалда тасдиқланди - «Парма» элит дивизионга қайтди.
ФИКРАТ тайёрлади
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20