Аргентина терма жамоаси собиқ ҳужумчиси ва бош мураббийи Диего Марадона мамлакат футболи бош юлдузи Лионель Мессини танқид остига олмоқда. Унинг хулосасига кўра, Лео характер бобида кучли эмас ва шунинг учун миллий жамоада чинакамига етакчилик қилолмаяпти. «Келинг, Мессини кўкларга кўтаравермайлик. Бундай гапларни айтишим қийин. Лекин ўйиндан олдин ҳожатхонага 20 марта борадиган футболчидан етакчи чиқмайди. Боз устига, «Барселона»да бошқа, Аргентина термасида эса бошқа Месси ўйнаши ҳаммага маълум...», - деди Марадона La Ultima Palabra нашрига берган интервьюсида. Эслатиш жоиз, Месси ЖЧ-2018даги муваффақиятсиз иштирокдан сўнг Аргентина миллий жамоаси ўйинларида қатнашмаяпти. Олдинроқ футболчи халқаро фаолиятини якунлаш ҳақида ўйлаётгани тўғрисида хабарлар тарқалганди.

Бу вақтда «Барселона» раҳбарияти Лео билан янги шартнома тузиш масаласида иш олиб бормоқда. Mundo Deportivo нашрида ёзилишича, аргентиналик даҳоча 2022 ёки 2023 йилга қадар мўлжалланган келишув остига имзо чекиши мумкин. Айни пайт Каталония клуби вакиллари битимнинг молиявий шартларини кўриб чиқишмоқда. Тахминларга кўра, бу борадаги музокара жараёни 2019 йили бошланади. «Барселона» ва Лео ўртасидаги шартнома ўтган йили мавсум-2021га қадар узайтирилганди.

P.S. Қуйидаги карикатура Умар Мумайнидан айнан "Марадона: «Месси ўйиндан олдин ҳожатхонага кўп қатнайди»