Футбол статистикаси ва таҳлили билан шуғулланадиган Opta компанияси қизиқарли маълумотни тақдим қилди. Мутахассислар Европанинг топ-5 чемпионатларида сўнгги 12 йилда голга тортадиган вазиятларни яратиш бўйича етук футболчилари рўйхатини эълон қилишди. Ҳисоб-китоблар учун 2006 йилнинг 1 июлидан 2018 йилнинг 15 октябригача оралиғи олинган. Мазкур кўрсаткич бўйича «Арсенал» ярим ҳимоячиси Месут Озил тенгсиз бўлиб турибди. У белгиланган давр мобайнида 1033та голга тортадиган вазиятлар яратган. Ҳозирда «Марсель» шарафини ҳимоя қилаётган Димитри Пайет 2-ўринда — 1016та. «Челси» ярим ҳимоячиси Сеск Фабрегас кучли учликка кирган бўлса, тўртинчи поғонани «Манчестер Сити» плеймейкери Давид Сильва эгаллаган. «Барселона» етакчиси Лионель Месси бешликка кирди. 5 карра «Олтин тўп» соҳиби Криштиану Роналду бу борада 10-поғонада қайд этилган. Кучли ўнликдаги футболчилар орасида фақатгина Франческо Тотти футболчилик фаолиятини якунлаган.

1. Месут Озил, «Шальке»|«Вердер»|«Реал»|«Арсенал» - 1033та голли вазият;

2. Димитри Пайет, «Нант»|«Сент-Этьен»|«Лилль»|«Вест    Хэм»|«Марсель» - 1016;

3. Сеск Фабрегас, «Арсенал»|«Барселона»|«Челси» - 932;

4. Давид Сильва, «Валенсия»|«Манчестер Сити» - 886;

5. Лионель Месси, «Барселона» - 861;

6. Эден Азар, «Лилль»|«Челси» - 794;

7. Марек Гамшик, «Наполи» - 740;

8. Хуан Мата, «Валенсия»|«Челси»|«Манчестер Юнайтед» - 723;

9. Франческо Тотти, «Рома» - 696;

10. Криштиану Роналду, «Манчестер Юнайтед»|«Реал»|­«Ювентус» - 695.