Қайднома

Қидирув

Станислав Андреев муғомбирлиги учун дисквалификация қилинди

Станислав Андреев муғомбирлиги учун дисквалификация қилинди

  06.11.2018 19:52
  0
  174
Станислав Андреев муғомбирлиги учун дисквалификация қилинди

Pepsi Суперлиганинг 29-туридан жой олган “Металлург” — “Навбаҳор” ўйини Тартиб-интизом қўмитаси томонидан кўриб чиқилди. Бунда комиссия аъзолари учрашувнинг 27-дақиқасида огоҳлантирилган Ислом Исоқжонов ҳамда 90+4-дақиқада огоҳлантирилган Станислав Андреевнинг ҳатти-ҳаракатларига жиддий эътибор қаратди.

Комиссия хулосасига кўра, Исоқжонов сариқ карточкани ўзи учун қасддан тилаб олмаган. Бироқ Андреевнинг ҳаракатларини бундай деб бўлмайди. У ўйин сўнгида вақтни атайин чўзган ва ҳакам томонидан сариқ карточка ишлаб олган. Комиссия хулосасига кўра, Андреев келаси турдаги “Пахтакор”га қарши учрашувни ўтказиб юбориш мақсадида бу ишга қўл урган. Чунки, эндиликда унинг огоҳлантиришлари сони 4 тага етди. Бу орқали Андреев мавсумнинг сўнги икки турида бемалол ҳаракат қила олиши мумкин эди.

Тартиб-интизом қўмитаси регламентининг “Интизомий ва жарималар кодекси” 5-бўлим 5.6 бандида кўрсатилган “аҳлоқий меъёрларга амал қилмаслик, муғомбирлик ишлатиш ҳамда спортчига хос бўлмаган хулқи учун” қисмига беписандлик билан муносабатда бўлган “Металлург” футболчиси Станислав Андреевни 5 миллион сўм жаримага тортди ва қўшимча тарзда 31-тур ўйинидан ҳам четлатди. Андреев бунгача “Навбаҳор”нинг икки футболчиси ҳам худди шундай банд билан жазога тортилганидан хулоса чиқармагани учун 32-турни ҳам ўтказиб юборади. Демак, унинг учун 2018 йилги мавсум ўз якунига етди.

Шу тариқа Станислав Андреев “Металлург”нинг нафақат “Пахтакор”, балки “Бунёдкор” ва “Бухоро” жамоаларига қарши учрашувларида ҳам иштирок эта олмайди. Келгусида ПФЛ бу каби ҳолатларни аниқлайдиган бўлса, футболчиларни жиддий жазо кутади. Шунингдек, футболчиларга сариқ карточка кўрсатаётган ҳакамлар масаласи ҳам ўрганиб чиқилади. 

Маълумот учун, ПФЛ комиссияси 29-турдан жой олган “Бухоро” — “Пахтакор” ўйинидаги Марко Симичнинг ҳам сариқ карточкасини ўрганиб чиққан. Чунки унда ҳам сариқлар сони 4 тага етган. Хулосага кўра, Симич ва “Бухоро” вакили Шаҳбоз Эркинов ўйин бошидан буён ўзаро чиқиша олмаган ҳамда сариқ карточка келишмовчилик ортидан келиб чиққан. ПФЛ бу ҳолатни ортиқча жазоларсиз ёпишга қарор қилди. Агар Симичда ҳам Андреевдаги каби ҳолат бор деб хулоса берилганида, “Пахтакор” ҳимоячиси учун ҳам 2018 йилги мавсум “эшиклари” ёпиларди.
***

Келаси турда дам олмоқчи бўлган Андреевга янада қулайроқ шароит яратишга қарор қилинди ва унга яна 2 та тур қўшиб берилди. Биринчиси, муғомбирлиги учун, иккинчиси аввалги худди шундай ҳолатдан хулоса чиқармагани учун. Чунки бунгача “Навбаҳор”нинг уч футболчиси ҳам шундай жазога тортилганди (http://pfl.uz/news/sections/pfl/9249) (http://pfl.uz/news/sections/pfl/9249) (кейинроқ Даврон Ҳошимов ПФЛга келиб, нияти тўғри бўлганини исботлашга (http://pfl.uz/news/view/9254) (http://pfl.uz/news/view/9254) ҳаракат қилди). Аввалроқ эса Вадим Абрамов бошчилик қилган Ўзбекистон миллий термасининг бир қатор футболчиларини ФИФА шундай жазолаганди (https://stadion.uz/news/detail/29719) (https://stadion.uz/news/detail/29719).

Хатолар такрорлаш учун эмас, хулоса қилиш учун бўлгани маъқул. Андреевнинг фонида қолганлар ҳам бу ҳақда ўйлаб кўриши керак. Келаси сафар тўртинчи сариқ карточкани кўрсатаётган ҳакамлар масаласи ҳам ўрганилади.
>>>ВИДЕОНИ КЎЧИРИБ ОЛИШ<<< 


Манба: pfl.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »
  • ЎФФ ва ПФЛнинг янги раҳбарияти олиб бораётган ислоҳотларга қандай баҳо берасиз?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz