«ПСЖ» ҳимоячиси Дани Алвес бир пайтлари «Челси» ва «Манчестер Сити»га ўтиши мумкин бўлгани ҳақида гапириб берди. 2007 йили у «Севилья»да ўйнаётган пайтида лондонликлар билан деярли шартнома имзолаганди. Лекин келишув амалга ошмаган. Натижада бир йилдан сўнг «Барселона»га кўчиб ўтган. 2017 йили Алвес «Сити» билан келишиб олганди. Бироқ «ПСЖ»дан таклиф тушганидан сўнг фикридан қайтган.
- «Челси»га ўтмай қолишингизнинг боиси нима?
- Бунга сабабчи мен эмас, балки «Челси»нинг ўзи. Барчаси ҳал бўлди, деб ўйлагандим. Моуриньо билан бирга ишлашга тайёр эдим. Балки у қандайдир ёлғон маълумот олгандир?! Нима бўлганини билмайман. Аммо шундан сўнг Жозе билан муносабатларимиз ёмонлашган.
- Гвардиола ҳақида қандай фикрдасиз?
- У футболчи сифатида ўсишимга ёрдам берган. Пепдан кўп нарсани ўргандим. Шунга бўлса керак, ҳар бир интервьюмда айнан у ҳақида сўрашади. Мен эса ҳамиша бир гапни такрорлайман: «Гвардиола - мен билан бирга ишлаган мураббийлар орасида энг яхшиси».
- Унда нега «Манчестер Сити»га ўтмагансиз?
- «Шаҳарликлар» сафига қўшилишим деярли ҳал бўлганди. Бироқ оилавий қароримиз туфайли бу ният амалга ошмади. Пеп истакларимни биларди, у билан бу ҳақда гаплашганмиз. Гвардиола унга нисбатан ҳурматим баландлигини билади. Умуман олганда, ўз қарорларим менга ёқади. Ҳозирча бу яқинларимга салбий таъсир ўтказмади. Улар ҳамиша бахтли эканликларини таъкидлашади.
«ПСЖ» ҳимоячиси Дани Алвес фаолиятини Англия Премьер-лигасида давом эттириш ҳақида ўйламоқда. «АПЛда ўйнамасдан туриб, фаолиятимни якунлашни ҳазм қилолмайман. Назаримда, Англия чемпионати жаҳондаги энг кучли лигалардан бири. У ерда мухлисларнинг футболчиларга бўлган муносабати ажойиб. АПЛда ўйнаш насиб қилса зўр бўларди. Ушбу биринчиликда тўп суришга, албатта, ҳаракат қиламан», - деди Алвес. 35 ёшли бразилиялик Европадаги фаолияти давомида «ПСЖ»дан ташқари «Севилья», «Барселона» ва «Ювентус» клубларида ўйнаган.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20