«Лос-Анжелес Гэлакси» ҳужумчиси Златан Ибрагимович “Манчестер Юнайтед” клуби ва Франция термаси ярим ҳимоячиси Поль Погбанинг манзилига йўлланаётган танқидлар бўйича фикр билдирди.

“Погбанинг танқид қилишлари энди кулгили туюляпти, бор айбни унга юклашмоқда. Кимдир йўлни қизил чироқда босиб ўтса – Погба айбдор, автомобиль шинаси тешилса – Погба айбдор. Нимадир ўхшамаса – яна Погба айбдор. Менимча, уни танқид қилаётганлар омма эътиборини ўзларига қаратишмоқчи.

Улар аввал ўзларига боқишсин, бу айниқса собиқ футболчиларга тегишли. Ўзларига савол бериб кўришсин: “Ўзим ўйнаётганимда нима қилгандим?” дейишсин. Чунки улар Погбадан кучли эмасдилар – бу футболчиларга қарши ўйнаганман. Ўша танқидчилар оғизларини юмиб, ўз ишларини қилишсин. Уларга гапираётган гаплари ва эътиборни тортишаётгани учун пул тўлашади, бироқ гапирилган гапни фактлар билан изоҳлаш ҳам керак”, - деди Ибрагимович FourFourTwo нашрига берган интервьюсида.

Жорий мавсум 25 ёшли Погба “Манчестер Юнайтед” сафида барча турнирларда 15 та ўйин ўтказиб, 5 та гол урди, шунингдек, тўрт марта голли пас муаллифи бўлди.