Суперлига формати кўп гапирилди, чарчаб кетдим... Керак бўлса, ўзгартириш қийин эмас. Бунисини клублар билан келишиб оламиз.

Кубок формати қалай бўлди? Ёқдими сизга? … Авваллари кубок 4 та клубники бўлиб қолганди. Ленин замонидан қолган “сетка”га қайсидир “реалист” қараб чиқиб, “буни ютсак унга тушамиз, уни ютсак бунга тушамиз, хуллас, чемпион бўлолмаймиз. Текислан! Ростлан! Орқага қараб қадам бос!”, деб қоларди.

Бу йил қуръалар жонли бўлди. Кучлилар қайсидир босқичда ит-мушук бўлиб, кучсизлар бир бошдан фақат кучсизлар билан ҳам ўйнаши мумкин эди. Хуллас, Англия кубогига ҳавас қилдик, Инфантинога ҳавас қилиб, қуръаларни жонли эфирда ташлавордик.

Шунинг натижаси демоқчимасман-у, аммо АГМК деган клуб Ўзбекистон кубогини ютиб олди (дастиш фантастиш…). Энди Олмалиқ шаҳри Чемпионлар лигаси ҳавоси билан яшайди.

Қизиқ жиҳати биласизми нима? Бугун шу АГМК Про-лига А’га тушиб кетиши ҳам мумкин. Соат 14:00 да “Локомотив” стадионида клуб вакиллари Ўзбекистон кубогидан кам бўлмаган яна бир финални ўтказади. Шу интрига бўлмай нима? …

ПЛЕЙ-ОФФ
3 декабрь, душанба
Тошкент. “Пахтакор” стадиони
“Сўғдиёна” – “Машъал”-3:1

4 декабрь, сешанба, 14:00
Тошкент. “Локомотив” стадиони
АГМК – “Истиқлол”