Хабарингиз бор, келаётган мавсумда халқаро майдонда юртимиз шарафини 3 та клуб ҳимоя қилади.
Қитъамизнинг клублар миқиёсидаги энг нуфузли мусобақаси – ОФК Чемпионлар лигасида Ўзбекистон чемпиони “Локомотив” иштирокини гуруҳ босқичидан бошлайди. Мамлакат вице-чемпиони – “Пахтакор” ва кубок соҳиби – АГМК эса саралаш орқали баҳсларга киришади
Қайд этиш жоизки, ОЧЛ-2019 саралаши доирасида иккинчи ўтиш босқичидан мусобақада иштирокини бошловчи клубларимиз бугун қитъа Чемпионлар лигасида қатнашувчи футболчиларини рўйхатдан ўтказади.
АГМК жамоаси Осиё Чемпионлар лигаси-2019 саралаш босқичида қатнашиш учун 29 нафар футболчини рўйхатдан ўтказди. Уларнинг 2 нафари хорижлик футболчилардир. Клуб ҳозирча легионерлар учун ажратилган лимитдан тўла фойдаланмасликни афзал билди. Агар жамоа саралашдан муваффақиятли ўтиб, гуруҳ босқичига йўл олса, таркибга яна 2 нафар чет эллик ўйинчи қўшилиши мумкин. Ҳозирча эса олмалиқликлар сербиялик футболчилар – Миролюб Костич ҳамда Марко Зочевични рўйхатдан ўтказишди. Ҳар икки ярим ҳимоячи ҳам АГМК сафига Сербия чемпионатидан келиб қўшилишди.
Демак, АГМК Чемпионлар лигасининг “Истиқлол”га қарши ўйини учун рўйхатдан ўтказмоқчи бўлган 30 футболчидан 23 нафари билан 1 йиллик келишувга эришган. Булар асосий фигуралардир, деб ёзмоқда ПФЛ директорининг ўринбосари Диёр Имомхўжаев ўзининг телеграмм каналида. Бунда икки вариант бор:
*Клуб узоқ муддатлик режага эга эмас
*Футболчилар 1 йилдан ортиғига имзо чекишга чўчиган
Футболчилар билан шартномалар 3 январь кунидан кучга кирган ва 2019 йилнинг 31 декабрь куни якунига етади. Фақатгина сербиялик икки легионер билан шартномалар 1 декабрь куни тугайди. Бу билан клуб уларнинг 1 ойлик маошларини иқтисод қилиб қолади. Қолган футболчилар меҳнат қонунчилигига кўра таътилга чиқарилади.
АГМК шартнома имзолаган барча футболчилари учун товон пулини 1 миллиард сўм қилиб белгилаган. Яъни, унинг исталган футболчисини кимдир қўлга киритмоқчи бўлса, АГМК бунга қаршилик қилган тақдирда ҳам шу суммани тўлаб, футболчини олиб кетиш мумкин. Фақат ўша клуб футболчининг ўзини ҳам кўндириб олиши керак бўлади. Товон пули расман таклиф қилинганидан кейингина ўша клуб футболчи билан алоқага киришиши мумкин.
АГМК билан 1 йиллик келишуви бор футболчилар 9 июль санасидан бошлаб (ёзги трансфернинг илк куни) ўзлари учун янги таклифларни кўриб чиқиш ҳуқуқига эгалар. Агар, бирор клуб шу санага қадар АГМК футболчилари билан алоқага киришгани исботланса, футболчи ҳам, ўша клуб ҳам катта жаримага тортилади. Агар АГМК ўз футболчиларини сақлаб қолишни истаса, улар билан 9 июлга қадар шартномани чўзиш ишларини тамомлаб олса, кўнгли хотиржам бўлади.
Шунингдек, АГМК футболчиларига пуллар ойма-ой давомида тўланмай, уларга катта сумма бирданига берилгани исботланса, АГМК жаримага тортилади. Футболчилар қилган меҳнатлари учун ҳақ олишга ва олган ҳақларидан солиқ тўлашга кўникишсин. Катта суммани йил бошида олиб, йил давомида “менга Пушкин бир жаҳон” қабилида юриш ярамайди.
АГМК футболчилар билан шартнома имзолаганига 1 ой тўлмай, уларни рўйхатдан ўтказиш учун олиб келди. Бу қоида ҳамма учун бирдек амалда бўлади. Шундагина Алибоев, Турғунбоев каби масалалар келиб чиқмаслиги мумкин.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20