Агар сизни севимли жамоангиз раҳбариятининг ғалати бошқарув тизими ёки ҳеч нафи йўқ трансферлари ранжитаётган бўлса, бугунги «Монако»ни кўз олдингизга келтириб, жаҳлингиз ҳовурини бироз туширишингиз мумкин. Ҳар ҳолда, ҳеч қаерда ишлар князлик клубидаги каби ёмон бўлмаса керак. Мана, ўзингиз фактларга эътибор қаратинг...
«Монако» ёзда нақ 181 млн. еврога футболчи сотди. Бунга қўшимча тарзда Килиан Мбаппе учун 135 «лимон» олди - иккинчи тўлов.
Клуб раҳбарияти ўз навбатида, таркибни созлаш учун 141 млн. евро ажратди. Хусусан, россиялик Александр Головинга 30 млн. тўланди. Қисқаси, «Монако» ёзги трансферлар бозорида харидлар учун энг кўп сарфлаган жамоалардан бири бўлди.
Князликлар Лига 1 стартида «Нант» меҳмони бўлиб, ортга ғалаба билан қайтишди, аммо шундан сўнг натижалар кескин пасайди. Аниқроғи, жамоа 11 октябрга қадар 8та ўйин ўтказиб, уларнинг 5тасида енгилди, 3тасида дуранг билан чекланди.
«Монако»нинг ғалабасиз серияси 8та ўйинга етгач, раҳбарият жамоа тарихидаги энг яхши натижаларни таъминлаган бош мураббий Леонарду Жардимни истеъфога чиқариб, унинг ўрнига Тьерри Анрини тайинлади.
3 йиллик шартнома асосида иш бошлаган Тьерри Анри вазиятни ўнглаш миссиясини бажаролмади, аксинча, натижалар янада ёмонлашди - Лига 1 доирасидаги 12та ўйинда атиги 2та ғалаба. Оқибатда «Монако» турнир жадвалининг 19-қаторига тушди, қолаверса, мамлакат кубогидан эрта чиқиб кетди. Князликлар шунингдек, ЧЛда ҳам ҳеч нарса қилолмадилар. Яъни гуруҳ раундидан кейин ҳаттоки, ЕЛга ўтолмадилар.
«Монако» Тьерри Анри бошқарувида Лига 1да 12 марта майдонга тушиб, 36 имкониятдан атиги 9 очко олди. Эътибор беринг, клуб энди шартномани муддатидан олдин бекор қилгани учун франциялик собиқ ҳужумчига 15 млн. евро миқдорида товон пули беради. Қойилмисиз, Анри 3 ойдан кўпроқ муддат ишлади ва атиги 9 очко учун 15 «лимон» олади.
Абдуллажон ЗАРИПОВ тайёрлади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20