Ўзбекистон терма жамоаси футболчиси айни дамда Португалия чемпионатида фаолият олиб бораётган Сардор Рашидов 16 февраль куни мамлакат чемпионатининг 22-турида ўрин олган «Насионал»—«Фейренси» учрашувида (4:0) учта гол уриб, ҳет-трикка эришди. «Дарё» таҳририяти ўйиндан сўнг ўзбекистонлик футболчи билан кичик суҳбат уюштирди.
Ўйин ҳақида
— Ўйин жуда қизиқ бўлди. Учта гол уриб, ҳет-трик қайд этганимдан жуда хурсандман. Ушбу голларни ватаним, Ўзбекистон халқига бағишлайман. Менга билдирилаётган эътибор ва мухлислик учун барчага ташаккур айтаман ва янада яхшироқ ўйин кўрсатиб, кўплаб голлар уришга интиламан.
«Насионал»да қандай кутиб олишгани ҳақида
— «Насионал»да барча бирдек мени илиқ кутиб олди. Ҳаммаси жойида. Клуб ўз тарихига эга, ундан муносиб ўрин олишга ҳаракат қиламан.
Кўплаб мураббийлар билан ишлагани ва машғулотлар ўртасидаги фарқ ҳақида
— Кўп мураббийлар билан ишлаганман. Ҳаммаси ўзига хос услубга эга. Бироқ Коштинья («Порту» билан 2004 йилда Чемпионлар Лигасини ютган. таҳририят) ҳам яхши ва профессионал мураббий экан. Буни унинг машғулотларидан ҳам билса бўлади.
Чемпионат савияси ҳақида
— Португалия чемпионати савияси жуда юқори. Ҳамма ўйинларда иштиёқ билан ҳаракат қилишади. Тиним билишга фурсат йўқ. Майдонда фақат меҳнат талаб этилади.
Манба: daryo.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20