Хабарингиз бор, эртага мамлакатимиз вице-чемпиони “Пахтакор” клуби Осиё Чемпионлар лигаси гуруҳ босқичи йўлланмаси учун БААнинг “Ан-Наср” жамоасига қарши Дубайда майдонга тушади.
Ушбу учрашув олдидан ўтказилган матбуот анжуманида “Пахтакор” бош мураббийи Шота Арвеладзе ҳамда жамоа сардори Егор Кримец иштирок этди. Бу ҳақда “Пахтакор” клуби матбуот хизмати хабар берди.
- Бизни олдинда атиги бир ўйиндан иборат қийин баҳс кутиб турганини яхши биламиз, - деб сўз бошлади “шерлар” устози Шота Арвеладзе. – Гуруҳ босқичига йўлланма олишимиз учун тиғиз тақвимда ўйнаш ва яхши футбол кўрсатиш талаб этилади. Рақиб жамоа ўйинларини кузатдик ва уларнинг кучли жиҳатларини ўргандик. Бу жамоани ҳурмат қиламиз, аммо майдонга ғалаба учун тушамиз.
- Албатта, учрашувда Негредога қарши ҳушёр ўйнашга ҳаракат қиламиз. Халқаро тажрибамиздан фойдаланишга уринамиз. Бундай мусобақада ўйнаганингда ҳамиша муваффақият сари интилиш лозим. Эртага эса бир ўйиндан иборат тўқнашувда буни уддалашга уриниб кўрамиз. - Бу жамоа илгари Ўзбекистон клубларига қарши ўйнаган, аммо улар бир неча йил олдин бўлиб ўтган. Олдимиздаги учрашувда бунинг аҳамияти йўқ. Эртага зафар қучиш лозим бўлган одатий ўйинни ўтказамиз. Унда айнан қандай тўп тепишимиз, ўйиннинг бориши кўп жиҳатдан рақибга ҳам боғлиқ. Имкони борича “Ан-Наср”нинг кучсиз тарафларидан фойдаланишга интиламиз. Шунингдек, Егор Кримец ҳам ўйинолди фикрлари билан ўртоқлашган.
- Бу ўйинга жиддий тайёргарлик кўрдик. Ўтган ҳафтада Ироқнинг “Эйр Форс” клубини мағлуб этгандик. Гуруҳ босқичига йўлланма олиш учун эртанги учрашувда ҳам ғолиб чиқишимиз талаб этилади. Олдимизга ғалаба қозониш вазифаси қўйилган. - БАА клублари ва терма жамоалари билан халқаро майдонларда кўп марта тўқнаш келганмиз. Шу сабабли уларнинг услубидан хабардормиз. Рақибнинг ўйинларини кузатдик. Уларнинг кучсиз ва кучли тарафларини ўргандик. Эртага бизни қизиқарли ўйин кутиб турибди деб ўйлайман, – деди Кримец ўйин борасида тўхталиб.
Эслатиб ўтамиз, “Пахтакор” жамоасининг “Ан-Наср” га қарши ўйини эртага Тошкент вақти билан соат 20:00да бошланади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20