«Челси»дан 2та йирик тўлов, «МЮ»дан 1та. Кўпчилик билади, португалиялик мутахассис фаолияти давомида энг сара клубларда ишлади. «Беназир» шунга мувофиқ, етарлича хизмат ҳақи олгани ҳам ҳақиқат. У шунингдек, истеъфолар сабаб, катта миқдорда компенсация пули ундиргани билан ҳам алоҳида ажралиб туради.
«Челси» - 2007 йил. Моуриньо «Стэмфорд Бриж»даги илк даврида 3 мавсум бадалига 2 марта чемпионлик рутбасига эришди, аммо ЧЛда 2 марта ярим финалда тўхтади. Мавсум-2007|2008 ёмон натижалар билан бошлангач («аристократлар» АПЛда «Астон Вилла»га ютқазиб, «Блэкберн» билан очколарни бўлишиб олишган, шунингдек, ЧЛда «Русенборг»ни енголмагандилар), Моуриньо кетди.
Кетиш чиптаси (компенсация) баҳоси - 23 млн. фунт
«Челси» - 2015 йил. 6 йилдан кейин Лондонга қайтган Моуриньо мавсум-2014|2015да «аристократлар»ни олтин марра сари етаклади. Жамоа бутун чемпионат давомида атиги 3 марта ютқазганди. Бироқ тез орада барчаси бирдан орқага кетди. Моу янги мавсум стартидаёқ Ева Карнейро, кейинроқ эса Эден Азар билан можарога борди. Бунинг оқибатидами, амалдаги чемпион декабрь ўрталаригача 16та ўйиндан 9тасида мағлубликни тан олди. «Аристократлар» хусусан, бўлажак чемпион - «Лестер»га ютқазишгач (1:2), Жозе тилига эрк берди: «Футболчилар - сотқин. Улар бугун мени «сотишди...». Яна 3 кундан сўнг кутилган истеъфо расмийлаштирилди.
Кетиш чиптаси (компенсация) баҳоси - 8,3 млн. фунт
«МЮ» - 2018 йил. «Қизил иблислар» АПЛ доирасида «Ливерпул»га қарши кечган ўйинда 0:3 ҳисобида ютқазишгач, «Энфилд» аренасидаги директорлар дам олиш хонасидаёқ Эд Вудворд, Алекс Фергюсон ва Дэвид Гилл иштирокида муҳокама бошланди. Орадан 2 кун ўтиб, «МЮ»нинг Каррингтондаги базасида Вудворд ва Моуриньо ўртасида 45 дақиқалик яккама-якка «суҳбат» бўлиб ўтди ва якунда мураббий истеъфога чиқарилганидан хабардор қилинди.
Кетиш чиптаси (компенсация) баҳоси - 19,6 млн. фунт
Моуриньо 2013 йили «Реал»дан икки томонлама келишув асосида кетган. Акс ҳолда, мадридликлар шартномани муддатидан олдин бекор қилишгани учун португалияликка 17 млн. фунт миқдорида товон тўлашга мажбур бўлишарди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20