Евро-2020 саралашининг 1-туридан ўрин олган Италия – Финландия учрашуви ўз ниҳоясига етди. «Фриули»да кечган баҳсда мезбонлан ишончли ғалабани қўлга киритишди.

Мезбонлар учрашув аввалида ҳисобни очишга муваффақ бўлишди, Николо Барелла ўзининг аниқ зарбаси билан жамоасини олдинга олиб чиқди. Голдан сўнг майдон эгалари темпни бироз туширишди ва танаффусга қадар ҳисоб ўзгармади.

74-дақиқада Мойзе Кин ҳисобни 2:0 кўринишига келтириб қўйди ва шу ҳисоб ўйин охирига қадар ўзгармади.

Гуруҳнинг бошқа ўйинларида Босния ва Герцеговина ўзида Арманистонни қабул қилди. «Грбавица» стадионида бўлиб ўтган ўйинда мезбонлар зафар қучишди. Крунич ва Милошевичнинг голларига Генрих Мхитарян ҳакам томонидан қўшиб берилган вақтда жавоб қайтарди. Греция термаси эса сафарда Лихтенштейнга имкон қолдирмади.

Евро-2020 саралаши, 1-тур

Италия – Финляндия 2:0 (1:0, 1:0)

Голлар: 1:0 – 7 Барелла, 2:0 – 74 Кин.

Италия – Доннарумма, Пиччини, Бираги (Спинаццола, 90), Бонуччи, Кьеллини, Жоржиньо, Верратти (Дзаньоло, 85), Барелла, Бернардески, Кин, Иммобиле (Куальярелла, 80).

Финляндия – Градецки, Тойвио, Араюури, Вяйсянен, Гранлунд (Сойри, 90), Лод, Пиринен, Спарв, Камара, Хямяляйнен (Лаппалайнен, 70), Пукки (Карьялайнен, 83).

Огоҳлантиришлар: Спарв (63), Верратти (63), Пиччини (81).

Босния ва Герцеговина – Армения 2:1 (1:0, 1:1)

Голлар: 1:0 – 33 Крунич, 2:0 – 80 Милошевич, 2:1 – 90, пенальти Мхитарян.

Лихтенштейн – Греция 0:2 (0:1, 0:1)

Голлар: 0:1 – 45 Фортунис, 0:2 – 80 Донис.