Coca Cola Суперлиганинг жорий мавсуми ўтган йилгидан фарқли равишда янги форматда ўтказилмоқда. Яъни, икки даврали тизимда. Эндигина учта тур ўйинлари бўлиб ўтди. Ҳозирданоқ хулоса чиқаришга эрта. Бироқ айрим тахминларни илгари сурса бўлади. Мисол учун, мураббийларнинг эҳтимолли истеъфоси борасида.
Турнир жадвалидаги ҳолатдан келиб чиқ сак, дастлабки истеъфо учун асосий номзод «Навбаҳор» устози Андрей Канчельскис бўлиб турибди. Наманган клуби раҳбарияти жамоанинг муваффақиятли иштироки учун етарли шароитларни яратиб берган. Тўғри, «Навбаҳор» ҳозирча ўз майдонида учрашув ўтказмади. Аниқроғи, стадиони тайёр бўлмагани боис ўз уйида ўтиши керак бўлган ўйинларни Тошкент ва Фарғонада ўтказди. Хуллас, ўтган йили учинчи ўринни олган жамоа дастлабки учта турда атиги бир очко жамғарди, холос. Тўртинчи турда наманганликлар Қаршида «Насаф» меҳмони бўлишади. Қайсидир маънода мазкур учрашувдаги натижа Канчельскиснинг келажагига таъсир ўтказиши мумкин.
«Қўқон-1912» ва «Андижон» жамоалари бош мураббийлари ҳам тезроқ вазиятни ўзгартиришлари талаб этилади. Айниқса, қўқонликлар. Олмалиқдаги йирик ҳисобдаги мағлубиятдан сўнг жамоа устози Нўъмон Ҳасановнинг курсиси қимирлаб қолган бўлса, ажабмас. «Андижон»да ҳам вазият шунга ўхшаш. Ҳозирча Элдор Сакаев жамоаси ғалаба қозона олмади. Кейинги турлардаги салбий натижалар Сакаевнинг биринчилардан бўлиб истеъфога чиқишини таъминлаши ҳеч гап эмас.
Албатта, бу шунчаки тахмин, холос. Барчаси клуб раҳбариятининг истагига боғлиқ.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20