«Милан» клуби ва Португалия терма жамоасининг собиқ ярим ҳимоячиси Мануэль Руй Кошта «россонери»нинг январдаги хариди - Лукас Пакета ва Кшиштоф Пентек ҳақида фикр билдирди. Шунингдек, яқинда бўлиб ўтган Афсоналар кубогидан ўрин олган «Ливерпул»га қарши ўйинни ёдга олди.
- «Милан»даги эски дўстлар билан кўришиш нимаси билан эсда қолди? «Ливерпул»га имкониятни бой бердинглар. Лекин бу муҳим эмас.
- Энг асосийси, мухлислар ва бизнинг кўнглимиз кўтарилди. Ваҳоланки, жамоамиз ҳамиша ғалаба қозонишни истайди. Бизнинг «Милан»да жуда катта ички куч бор эди. Жамоа двигатели дўстлик ҳисобига қурилганди. Уларни кўриш катта қувонч бағишлади. Ҳаттоки, кўз ёшларни ҳам тийиб туролмадик.
- Сизнинг авлодингиз клубдан кетганидан сўнг «Милан» мухлислари кўп йилдан буён кўз ёш тўкишмоқда.
- Бунақаси бўлиб туради. Футбол даврлардан иборат. Ҳозир «Реал»да шундай вазият. «Милан»да беш йил ўйнадим. Ушбу жамоа ғалабалар учун яратилганди ва барча совринларни қўлга киритган. Бу борада омадим келган.
- Ҳозирги «Милан» ҳақида қандай фикрдасиз?
- Раҳбарият ўзгарди. Уларга вақт бериш керак. Айни пайт жамоа кучлилар қаторига қайтиш учун ҳаракат қилмоқда. «Милан»ни клуб тарихини яхши биладиган мураббий бошқармоқда. Ринонинг келажаги бор. Клуб раҳбарияти бош мураббий лавозимига уни таклиф қилиб тўғри йўл тутди. Ишончим комил, Гаттузо жамоани Чемпионлар Лигасига қайтаради.
- Жамоанинг янги ўйинчилари Пакета ва Пентек ҳақида кўп гапиришмоқда.
- Бразилияга иш юзасидан борганимда, Пакетанинг ўйинларини кузатганман, уни яхши биламан. Аслида бу футболчини «Бенфика»га таклиф қилмоқчи бўлгандим. Бироқ Пакета биз учун қимматлик қилади.
- Какани эслатиб юборадими?
- Асло ундай эмас. Таққослаш нотўғри.
- Пентекни ҳам афсоналар билан солиштиришмоқда. Бу ҳақда нима дейсиз?
- Уни Пакетага қараганда камроқ биламан, лекин ажойиб ҳужумчилиги шундоқ кўриниб турибди. Унинг Италия чемпионатига тезда мослашиб олгани мени ҳайрон қолдирди. «Женоа»га ўтиши биланоқ гол уришни бошлади. «Милан»даги босимни қисқа муддатда енгиб ўтди. Пентекка вақт ҳам керак бўлмади. Ўзини худди доимо шу ерда бўлгандек тутди. Лекин солиштириш мушкул. Пентек - Шева ёки бирор бошқаси эмас. У «Милан» ҳужумига хилма-хиллик олиб кирди, кўплаб муаммоларни ҳал қилди. Мен буюк ҳужумчилар билан бирга ўйнаганман. Агар шундайлар бўлса, жамоада ўзингизни эркин ҳис қиласиз. Бордию ўйин қовушмаётган бўлса ҳам Шева, Кака ёки Инзагилар унинг тақдирини ҳал қила олишган. Пентек ҳам муаммоларни ҳал қилмоқда.
У.УМАРОВ тайёрлади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20