Қайднома

Қидирув

Сиёсат, маданият ва мадҳия… Ёхуд Хитойнинг футболчилар учун янги шартлари

Сиёсат, маданият ва мадҳия… Ёхуд Хитойнинг футболчилар учун янги шартлари

  01.05.2019 06:21
  0
  296
Сиёсат, маданият ва мадҳия… Ёхуд Хитойнинг футболчилар учун янги шартлари

South China Morning Post нашри маълумотларига кўра, Хитойда футболчиларни маҳаллийлаштириш қоидасини кескин қатъийлаштиришди. Эндиликда мамлакат фуқаролигини олиб, чин юрти терма жамоасида ўйнашни хоҳловчи хорижликлар бир қатор талабларни бажаришлари шарт. Хитой паспортига даъвогар ўйинчи олдига қўйиладиган асосий талаблар:

1. Хитой тарихини ўрганиш (махсус курсда ўқиш асносида)

2. Хитой коммунистик партияси ғоялари, мамлакат маданияти ва маҳаллий тилни билиш, шунингдек, сиёсий таълим олиш

3. Хитой мадҳиясини ёдлаш

Ўқитиш жараёнини футболчининг клуби ташкиллаштиради ва барчасини алоҳида тайинланган мутасаддилар назорат қилишади.

Хитой қонунчилигига кўра, бошқа мамлакат фуқаросига маҳаллий паспорт берилмайди. Оддий айтганда, Хитой паспортини олишни истаган киши ўз ватани фуқаролигидан воз кечиши керак. Айтганча, норвегиялик 21 ёшли Йон Хоу Сетер Хитой фуқаролигини олган биринчи футболчи бўлди. У Норвегияга айнан Хитойдан кўчиб кетган аёлнинг фарзандидир.

Хуллас, Йон Хоунинг исми-шарифи ўзгарди - Хой Юнхен. Норвегиялик иқтидор эгаси айни пайт «Пекин Гоуан»да Седрик Бакамбу ва Ренато Аугусто каби машҳур футболчилар билан бирга ўйнамоқда. Хуллас, Хой онасининг орзуси (у ўғлини Хитой терма жамоаси сафида кўрмоқчи) йўлида Норвегиядан мутлақо воз кечди, гарчи ёшлар тоифасидаги халқаро турнирларда скандинавияликлар шарафини ҳимоя қилган бўлсада.

Кейинроқ «Арсенал»нинг собиқ футболчиси Нико Йеннарис ҳам Хитой паспортини олиб, исми-шарифини ўзгартирди - Ли Ке. Унга ҳам онасининг хитойлик эканлиги қўл келди. Англиялик яна бир ўйинчи - Тиас Браунинг фуқаролик олиш юзасидан энди ариза топширган. Унинг бобоси хитойлик, ўзи ҳозирда «Гуанжоу Эвергранд»да Паулиньо ва Талиска билан бирга ўйнамоқда.

Вақтида Габон термаси шарафини ҳимоя қилган «Шанхай Шенхуа» вакили Александер Ндумбу ҳам хитойликка айланди - Цян Цзигей, лекин у Чин юрти миллий жамоасида ўйнолмайди.

Умуман, хорижлик футболчиларга фуқаролик бериш - мамлакат раҳбари Си Цзинпин томонидан қабул қилинган лойиҳанинг бир қисми. Чунончи, футболга меҳри баланд Цзинпин ЖЧни Хитойда ўтказиш ва ҳаттоки, 2050 йилга қадар жаҳон кубогини ютишга қаратилган катта лойиҳани тасдиқлаган...

Ж.БОБОХОНОВ тайёрлади


Манба: www.interfutbol.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »
  • Сиз Эктор Купер миллий терма жамоамизни ЖЧ-2022 (Қатар)га олиб бора олишига ишонасизми?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz