“Севилья”, “Арсенал”, Мадриднинг “Реал” ва “Атлетико”, шунингдек, “Бенфика” ҳамда Испания терма жамоасида тўп тепган таниқли футболчи Хосе Антонио Рейес бугун автоҳалокат натижасида ҳаётдан кўз юмди. Рейес 2000 йилларнинг бошида “Севилья” жамоасида порлаб чиққан ва натижада 2004 йилда уни Лондоннинг “Арсенал” клуби ўша давр учун яхшигина нарх – 17,5 миллион фунтга трансфер қилганди. Мутахассислар Хосе Антониога Испания футболининг келажаги сифатида қараётган эди. Лондонда ўтказилган икки ярим йиллик фаолияти мобайнида футболчи 110та ўйинда майдонга тушиб, рақиблар дарвозасини 23 марта ишғол қилди. Натижада Рейес билан кимсан Мадриднинг “Реал” клуби қизиқа бошлади. Музокаралар натижасига кўра 2006 йилнинг ёзида у Мадридга кўчиб ўтди, “қироллик клуби” испан футболчисини бразилиялик Жулио Баптистага алмашди, боз устига Рейеснинг трансфер ҳуқуқи “канонирлар”да қолди. Бироқ, “Реал”га кўчиб ўтиш футболчи фаолиятидаги хато қарор бўлгани кейинчалик маълум бўлди. У гарчи Мадридда Испания чемпионлигини қўлга киритган бўлса-да, жамоага мустаҳкам ўрнашиб ололмади. Шундан сўнг футболчи Мадриднинг бошқа жамоаси “Атлетико” сафига қўшилди. Аммо, на “Атлетико”да, на “Бенфика”да ва на “Севилья”да футболчи ўзининг аввалги даражасига қайтолмади. Ўтган мавсум Рейес қисқа муддат Хитой чемпионатида ҳам фаолият олиб борди. Сўнгра ўз ватанига қайтиб, Сегунда иштирокчиси “Эстремадура” клубида фаолиятини давом эттираётган футболчи бугун 35 ёшида машъум автоҳалокат натижасида фожиали вафот этди. Ушбу ҳодиса туфайли Испания Сегундасидаги ўйинлар қолдирилди, бугун бўладиган УЕФА Чемпионлар лигасининг “Ливерпуль” ҳамда “Тоттенҳэм” жамоалари ўртасидаги финал ўйини ҳам футболчи хотирасига бир дақиқа сукут сақлаш билан бошланади.
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20