Бокуда ташкиллаштирилган ЕЛ финалининг биринчи бўлими сокин руҳда кечиб, ҳисоб очилмади. Танаффусдан кейин эса «Челси» ҳамшаҳри - «Арсенал»ни бутунлай тор-мор қилиб, турнирдаги 2-ғалабасини расмийлаштирди. «Кўклар» биринчи марта 2013 йили зафар қучишганди (финалда «Бенфика» доғда қолдирилганди). Асосий факт шуки, «Челси» навбатдаги евросоврин сари юришда мағлубият нималигини билгани йўқ - 12та ғалаба ва 3та дуранг.
* Боку финалида мухлислар ташрифи бўйича турнир тарихидаги 3-яхши кўрсаткич қайд этилди. Озарбайжон пойтахтида жойлашган «Олимпия» стадионига 51370 мухлис йиғилди (арена сиғими - 68700). Бу охирги 10 йил (УЕФА кубоги ЕЛга айлантирилганидан кейин)да кузатилган 3-яхши кўрсаткичдир (фақат финаллар орасида). Шу оралиқда энг кўп мухлис 2018 йили Лионда ташкиллаштирилган «Марсель» ва «Атлетико» ўртасидаги финал (0:3)да қайд этилганди - 55768 томошабин.
* «Челси» вакили Педро футбол тарихида Англия Премьер-лигаси, жаҳон ва Европа чемпионатлари, ЕЛ ва ЧЛда ғалаба нашидасини сурган илк ўйинчи бўлди. 31 ёшли испан шунингдек, ЕЛ ва ЧЛ финали ҳамда Европа суперкубоги учун баҳсда гол урган биринчи футболчидир.
* «Челси» бош мураббийи Маурицио Сарри якунланган мавсум барча турнирлар доирасида 39та ўйинда ғалабани таъминлади. «Челси» устозлари орасида дебют мавсумида биргина Жозе Моуриньо бундан яхшироқ натижага эришганди - 42та ғалаба. Бундан ташқари, Сарри 1999 йилдан буён ЕЛ|УЕФА кубогида зафар қучган италиялик биринчи мураббий бўлди. Бунга қадар итальянлардан охирги марта Альберто Малезани («Парма» билан) зафар қучганди. Умуман олганда, бу Сарри учун бутун фаолиятидаги биринчи совриндир. 60 ёшли мутахассис бунга қадар «Наполи»ни «А» серияда 2-3-ўринларга ва миллий кубок финалига етаклаганди.
* «Челси» ҳужумчиси Оливье Жиру франциялик футболчиларнинг турнир финалига боғлиқ голли серияларини 4та ўйинга етказди.
Франциялик футболчиларнинг ЕЛ финалидаги голли сериялари
2016 йил - Кевин Гамейро («Севилья»)
2017 йил - Поль Погба («МЮ»)
2018 йил - Антуан Гризманн («Атлетико»)
2019 йил - Оливье Жиру («Челси»)
* «Челси» - 11 йил бадалига евротурнирда бирорта мағлубиятсиз ғалаба қозонган биринчи жамоа. «Кўклар» якунланган евромавсум давомида бирор марта мағлубиятга учрашгани йўқ - 12та ғалаба ва 3та дуранг. Еврокубокка мағлубиятсиз одим билан етган охирги жамоа «МЮ» эди (ЧЛ-2007|2008да).
* «Челси» Европа миқёсидаги совринлар сонини 6тага етказиб, бу борада «МЮ» билан тенглашиб олди. «Аристократлар» ЕЛ ва Кубок эгалари кубоги турнирларида 2 мартадан зафар қучиб, ЧЛ кубоги ҳамда Европа суперкубогини 1 мартадан қўлга киритишган.
* «Арсенал» бош мураббийи Унаи Эмери ЕЛ финалида илк бора мағлубиятни тан олди. Испаниялик мутахассис бунга қадар «Севилья»ни 3 марта финалга олиб чиққан ва уларнинг барчасида ғалаба гаштини сурганди.
* Турнирнинг бош тўпурари мақоми 13та ўйинда 11та гол урган Оливье Жиру («Челси»)га насиб этди. 32 ёшли ҳужумчи пойгада Лука Йович («Айнтрахт»)ни 1та голга ортда қолдирди. Жиру шунингдек, францияликларнинг еврокубоклардаги рекорд кўрсаткичларини янгилади. Бунга қадар энг юқори натижа мавсум-1958|1959да «Реймс» учун 10та гол ҳосил қилган Жюст Фонтенга тегишли эди. Яна бир факт: Жирудан олдин Англия клуби учун еврокубокларнинг 1та мавсумида 11 гол уриш Алан Ширерга насиб этганди.
* «Челси»нинг бошланғич таркибида бирор инглиз футболчисига жой топилмади. Бунақаси (финалчи клуб мамлакати вакилларисиз таркиб) охирги марта 2010 йил кузатилган бўлиб, ўшанда «Интер» сафида бирор итальянга жой тегмаганди. Умуман, «Челси» ва «Арсенал»нинг бошланғич таркибида англияликлардан биргина Энсли Мэйтленд-Найлз майдонга тушди, холос.
Финал иштирокчилари фуқаролик бўйича (бошланғич таркиб)
4 нафардан - Испания, Франция
2 нафар - Бразилия
1 нафардан - Бельгия, Хорватия, Италия, Чехия, Габон, Швейцария, Уругвай, Германия, Дания, Греция, Босния ва Герцеговина, Англия
Челси - Арсенал - 4:1 (0:0)
29 май. Боку. «Олимпия» стадиони. 51370 томошабин.
Бош ҳакам: Жанлука Рокки (Италия).
Голлар: Жиру (49), Педро (60), Азар (65-пен., 72) - Ивоби (69).
Челси: Аррисабалага, Кристенсен, Эмерсон, Аспиликуэта, Давид Луиз, Ковачич (Баркли, 76), Жоржиньо, Педро (Виллиан, 71), Канте, Азар (Заппакоста, 89), Жиру.
Арсенал: Чех, Косьельни, Монреаль (Гендузи, 66), Колашинац, Папастатопулос, Торрейра (Ивоби, 67), Мэйтленд-Найлз, Жака, Озил (Уиллок, 77), Обамеянг, Лаказетт.
Огоҳлантиришлар: Педро (56), Кристенсен (68, Ч.).
Ўйин статистикаси
Челси арсенал
КЎРСАТКИЧЛАР
44 Ҳужум 52
30 Хавфли ҳужум 34
9 Зарба 12
8 Аниқ зарба 4
7 Бурчак тўпи 5
1 «Офсайд» 2
13 Қоида бузиш 11
2 Сариқ карточка 0
48 фоиз Тўпни назорат қилиш 52 фоиз
тўпурарлар
Жиру (Челси) - 11та
Йович (Айнтрахт) - 10та
Бен-Йеддер (Севилья) - 8та
Даббур (Зальцбург) - 8та
Обамеянг (Арсенал) - 8та...
Финал қаҳрамони
«Челси» ярим ҳимоячиси Эден Азар ЕЛ финал ўйинининг энг яхши футболчиси сифатида эътироф этилди. Чунончи, бельгиялик 28 ёшли ярим ҳимоячи соврин тақдирига ойдинлик киритган учрашувда 2та гол уришдан ташқари, яна бирига ҳаммуаллифлик қилди. У махсус сўровда жамоадошлари - Оливье Жиру, Педро Родригес ва Эмерсонни ортда қолдирди.
ЕЛ-2018|2019 рамзий терма жамоаси
УЕФА финал ўйини якунлангани билан мавсумнинг рамзий терма жамоасини эълон қилди. Бу сафар элит жамоага 18 нафар футболчи киритилди, жумладан, ғолиб - «Челси»дан 8 нафар ўйинчи танланди.
Дарвозабонлар: Кевин Трапп («Айнтрахт»), Кепа Аррисабалага («Челси»)
Ҳимоячилар: Алекс Гримальдо («Бенфика»), Сеад Колашинац («Арсенал»), Лоран Косьельни («Арсенал»), Давид Луиз («Челси»), Сесар Аспиликуэта («Челси»), Данни да Коста («Айнтрахт»)
Ярим ҳимоячилар: Макото Хасебе («Айнтрахт»), Филип Костич («Айнтрахт»), Жоржиньо («Челси»), Н~Голо Канте («Челси»)
Ҳужумчилар: Пьер-Эмерик Обамеянг («Арсенал»), Оливье Жиру («Челси»), Лука Йович («Айнтрахт»), Жоау Фелиш («Бенфика»), Педро («Челси»), Эден Азар («Челси»)
2018|2019 Челси (Англия)
2017|2018 Атлетико (Испания)
2016|2017 МЮ (Англия)
2015|2016 Севилья (Испания)
2014|2015 Севилья (Испания)
2013|2014 Севилья (Испания)
2012|2013 Челси (Англия)
2011|2012 Атлетико (Испания)
2010|2011 Порту (Португалия)
2009|2010 Атлетико (Испания)
-———————————————————————————————————-------------
2008|2009 Шахтёр (Украина)
2007|2008 Зенит (Россия)
2006|2007 Севилья (Испания)
2005|2006 Севилья (Испания)
2004|2005 ЦСКА (Россия)
2003|2004 Валенсия (Испания)
2002|2003 Порту (Португалия)
2001|2002 Фейеноорд (Голландия)
2000|2001 Ливерпуль (Англия)
1999|2000 Галатасарой (Туркия)
1998|1999 Парма (Италия)
1997|1998 Интер (Италия)
1996|1997 Шальке (Германия)
1995|1996 Бавария (Германия)
1994|1995 Парма (Италия)
1993|1994 Интер (Италия)
1992|1993 Ювентус (Италия)
1991|1992 Аякс (Голландия)
1990|1991 Интер (Италия)
1989|1990 Ювентус (Италия)
1988|1989 Наполи (Италия)
1987|1988 Байер (Германия)
1986|1987 Гётеборг (Швеция)
1985|1986 Реал (Испания)
1984|1985 Реал (Испания)
1983|1984 Тоттенхэм (Англия)
1982|1983 Андерлехт (Бельгия)
1981|1982 Гётеборг (Швеция)
1980|1981 Ипсвич Таун (Англия)
1979|1980 Айнтрахт Ф. (Германия)
1978|1979 Боруссия М. (Германия)
1977|1978 ПСВ (Голландия)
1976|1977 Ювентус (Италия)
1975|1976 Ливерпуль (Англия)
1974|1975 Боруссия М. (Германия)
1973|1974 Фейеноорд (Голландия)
1972|1973 Ливерпуль (Англия)
1971|1972 Тоттенхэм (Англия)
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20