Ўзбекистон терма жамоаси ФИФА кунлари доирасида навбатдаги ўртоқлик учрашувини ўтказди. Тошкентда бўлиб ўтган Сурияга қарши баҳсда вакилларимиз ишончли ғалабани қўлга киритишди.

Элдор Шомуродов 3-дақиқадаёқ ҳисобни очган бўлса, 42-дақиқага бориб дубль қайд этиб ҳисобдаги фарқни оширди ва биринчи бўлим шу ҳисобда якунланди.

Иккинчи бўлимда эса ҳар икки жамоа сафида етарлича ўзгаришлар бўлди. Аммо якуний ҳисоб ўзгармай қолди.

ЎРТОҚЛИК УЧРАШУВИ

ЎЗБЕКИСТОН – СУРИЯ – 2:0 (2:0)

11 июнь (сешанба). Тошкент. «Бунёдкор» стадиони.

Ҳакамлар: Рисбек Шекербеков, Баҳодир Қўчқоров, Исмоилхон Толипжонов (учаласи Қирғизистон), Шерзод Қосимов (Ўзбекистон).

Голлар: Элдор Шомуродов (3, 42).

Ўзбекистон: Элдор Суюнов, Фарруҳ Сайфиев (Олег Зотеев, 74), Анзур Исмоилов, Даврон Ҳошимов, Одилжон Ҳамробеков (Фозил Мусаев, 60), Одил Аҳмедов (Хуршид Ғиёсов, 75), Жалолиддин Машарипов, Элдор Шомуродов (Игорь Сергеев, 79), Остон Ўрунов (Икром Алибоев, 60), Ислом Тўхтахўжаев, Қувондиқ Рўзиев (Достон Ибрагимов, 67).

Сурия: Иброҳим Алма, Муаяд ал Ажан, Омро Мидани (Шиб ал Али, 46), Амро Женьят, Маҳмуд ал Мавас (Абдул Малик ал Анизан, 77), Муҳаммад ал Вакид, Аҳмад ал Аҳмад (Фирас ал Хатиб, 65), Тами Хож Муҳаммад, Аҳмад Ашкар, Холид ал Мбайед, Муҳаммад ал Мармур (Ҳамид Мидо, 84).

Огоҳлантиришлар: Маҳмуд Ал Мавас (48), Абдул Малик Ал Анизан (90+4).