Криштиану Роналду Европа Миллатлар лигаси ярим финалида Швейцария термаси дарвозасини нақ 3 марта нишонга олди. Шу тариқа унинг Португалия миллий жамоаси сафида қайд этган «хет-трик»лари сони 7тага етди. «Ювентус» ҳужумчиси 3:1 ҳисобида якунланган ва португалларга турнир финали йўлини очган ўйиннинг 25-дақиқасида жарима зарбасидан унумли фойдаланди. Диққатга сазовор томони, Криш ЖЧ-2018 гуруҳ босқичидан кейин на клуб футболи ва на терма жамоаси ўйинларида жарима нуқтасидан гол уролмаётганди. Роналдунинг кейинги 2та голи эса учрашувнинг охирги дақиқаларига тўғри келди.
Роналду - 53та
«хет-трик»|«покер»|«флэш»
«Реал» 44та*
Португалия 7та**
«МЮ» 1та
«Ювентус» 1та
* жумладан, 7та «покер» (4та гол) ва 1та «флэш» (5та гол)
** жумладан, 1та «покер»
Умуман олганда, португалиялик юлдуз энди бутун фаолияти давомида нақ 53та ўйинда 3та ёки кўпроқ гол ургани билан мақтаниши мумкин. Шунинг баробарида Роналдунинг миллий жамоа либосида урган голлари сони 88тага етди. Хуллас, у миллий жамоалар миқёсидаги тўпурарлар рўйхатида Эрон футболи афсонаси Али Даини «қувиш»да давом этмоқда. Ҳозирда бу борада жаҳон рекордчиси бўлиб турган собиқ ҳужумчи ҳисобида 109та гол бор. Айтиш мумкинки, Роналдунинг терма жамоалар футболига доир мақсадларидан бири айнан Даидан ўзиб кетиш бўлса керак. Криштианунинг замонавий футболдаги асосий рақобатчисига келсак, Лионель Месси Аргентина термаси учун 67та гол урган. Жароҳат туфайли Америка кубоги томошабинига айланган яна бир юлдуз Неймар ҳисобида эса 60тагина «халқаро» гол мавжуд.
Жаҳон миллий жамоаларининг энг яхши тўпурарлари
Футболчи Терма жамоа Гол
Али Дайи Эрон 109та
Криштиану Роналду Португалия 88та
Ференц Пушкаш Венгрия 84та
Кунисиге Камамото Япония 80та
Годфри Читалу Замбия 79та
Ҳуссайн Саид Ироқ 78та
Пеле Бразилия 77та
Абдураҳмонхўжа АҲМЕДОВ тайёрлади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20