Европа спорт нашрлари ассоциацияси (ESM) май ойи ва бутун мавсум якунларига кўра, қитъадаги миллий чемпионатларда тўп сурувчи футболчилардан иборат рамзий терма тузди. Анъанавий сўровда La Gazzetta dello Sport (Италия), A Bola (Португалия), Marca (Испания), De Telegraaf (Голландия), Kicker (Германия), World Soccer (Англия), Frankfurter Allgemeine (Германия), Tipsbladet (Дания), ELF Voetbal (Голландия), Fanatik (Туркия), Nemzeti Sport (Венгрия), Sport Voetbal Magazine (Бельгия) ҳамда «Спорт-Экспресс» (Россия) каби наш­р­лар қатнашишди.

Май ойи рамзий термасидан (4-3-3) Алиссон («Ливерпуль», 10та овоз); Александр-Арнолд («Ливерпуль», 12), ван Дейк («Ливерпуль», 11), де Лигт («Аякс», 5), Робертсон («Ливерпуль», 6); Лукас Моура («Тоттенхэм», 6), Хендерсон («Ливерпуль», 4), Азар («Челси», 11); Месси («Барселона», 9), Ориги («Ливерпуль», 5), Мане («Ливерпуль», 4) жой олишди.

Юқорида номи келтирилган футболчилардан ташқари ESM вакиллари овозига қуйидагичалар ҳам лойиқ кўрилдилар:

Дарвозабонлар: Эдерсон («Манчес­тер Сити»), Доннарумма («Милан»);

ҳимоячилар: Компани («Манчестер Сити»), Зюле, Киммих, Алаба (ҳаммаси - «Бавария»), Жорди Альба, Пике (иккиси - «Барселона»), Габриэл Паулиста («Валенсия»), Роуз («Тоттенхэм»), Матип («Ливерпуль»);

ярим ҳимоячилар: Парехо («Валенсия»), Канте («Челси»), Гюндоган, Бернарду Силва (иккиси - «Манчестер Сити»), Вейналдум, Фабиньо (иккиси - «Ливерпуль»), Брандт, Хаверц (иккиси - «Байер»), де Йонг, Тадич, Зиеш, ван де Бек (ҳаммаси - «Аякс»), Корне («Лион»), Костич («Айнтрахт» Ф), Эриксен («Тоттенхэм»), Санчо («Боруссия» Д);

ҳужумчилар: Ляказетт («Арсенал»), Сапата («Аталанта»), Аларио («Байер»), Коман («Бавария»), Родриго («Валенсия»), Сон Хюн Мин («Тоттенхэм»), Криштиану Роналду («Ювентус»), Жоау Фелиш («Бенфика»).

Мавсум-2018|2019 якунлари бўйича тузилган Европа рамзий жамоаси эса бироз бошқачароқ кўриниш олди (4-3-3):­ тер Штеген («Барселона», 4); Киммих («Бавария», 3), ван Дейк («Ливерпуль», 9), Пике («Барселона», 3), Жорди Альба («Барселона», 6); Ройс («Боруссия» Д, 3), Погба («Манчестер Юнайтед», 3), Азар («Челси», 3); Месси («Барселона», 8), Криштиану Роналду («Ювентус», 4), Мане («Ливерпуль», 3).

Мазкур рамзий терма футболчиларнинг неча маротаба ой жамоасига киришганига қараб тузилди. Давид Сильва («Манчестер Сити») шундай эътирофга уч марта сазовор бўлган, аммо умумий ҳисобда Азар, Погба (23) ва Ройс (17)дан камроқ овоз тўплади (15).