«ПСЖ» ҳимоячиси Дани Алвес клубдан кетишини маълум қилди. «Бугун ҳаётимнинг яна бир саҳифаси ёпилди. Бу - ғалабалар, кўникмалар ва тажриба битилган саҳифа бўлди. Клуб тарихидаги янги саҳифани битишда иштирок этиш имкониятини бергани учун «ПСЖ» оиласига миннатдорчилик билдираман. Қувончли ва қайғули онларда бирга бўлган барча жамоадошларимга раҳмат», - деб ёзган Алвес Instagram саҳифасида. 36 ёшли бразилиялик фаолиятини қаерда давом этириши маълум эмас. Унинг «ПСЖ» билан шартномаси муддати 30 июнда тугайди. Алвес Париж клуби сафида икки йил тўп сурди. У 2017 йилда эркин агент сифатида «ПСЖ»га келганди. Дани бу жамоа сафида икки карра Франция чемпиони бўлди, бир мартадан мамлакат кубоги ва лига кубогида ғолиб чиқди.

Маълумотларга кўра, Алвес «Барселона»га қайтиши мумкин. Бразилиялик футболчи ўзини Каталония клубига таклиф қилган. Умуман, «кўк-анорранглилар» ҳам уни ўз таркибларига қўшиб олишга қарши эмаслар. Эслатиб ўтамиз, Дани Алвес фаолияти мобайнида «Ювентус» (2016-2017), «Барселона» (2008-2016) ва «Севилья» (2002-2008) клубларида ҳам ўйнаган.