Уэйн Руни MLS ўйинида яна майдон марказидан гол уриб, жамоаси ғалабасини таъминлади. Бундай голлар англиялик «Шрек» учун - одат. Қолаверса, Уэйннинг жамоаси анчадан буён ғалаба нималигини билмаётганди. Бинобарин биз қуйида шу баҳона «МЮ»нинг собиқ юлдузини эсга оламиз...
Шимолий Америкада терма жамоалар ўртасидаги турнир - КОНКАКАФ «Олтин кубоги» давом этмоқда. Бироқ MLS танаффусга чиққани йўқ - клублар ўйнашда давом этяпти. Хусусан, «Ди Си Юнайтед» - «Орландо Сити» баҳсида мухлислар 1тагина гол кўришди. Ҳа, Руни ўртадаги 3 очко тақдирини ҳал қилган ягона гол муллифига айланди. Ақлга сиғмас гол... 10-дақиқада «Орландо» футболчилари ҳужумда тўпни йўқотишди ва англиялик фахрий дарвоза томон зарба йўллашни пайсалга солмади. «Машғулотларда кўпинча олис масофалардан зарба бераман. Мураббийлар ва клубдошларим доимо ҳайрон қолишади - «Қўй, бундай позициядан гол уролмайсан, барибир». Лекин мен айнан шундай лаҳза учун машқ қилардим. Яхши зарба ва муҳим гол», - деди Руни учрашувдан сўнг.
Алоҳида таъкидлаш керак, Руни аввалги клубларида ҳам шунга ўхшаш зарба билан мақсадга эришган. Дейлик, «Эвертон» учун айнан майдоннинг иккинчи ярмидан гол урган. «МЮ»да эса бироз яқинроқдан, лекин масофа жуда катта эди, барибир. Асосий - бу голлар беназир ижро самараси.
*** «Ди Си» Ғарбий конференция турнир жадвалида 3-ўринда бормоқда. Ваҳоланки, жамоа май ойидан буён ғалаба нималигини билмаган ва қаторасига 5та ўйинда очко йўқотганди.
*** Руни охирги 2 ойда маҳсулдорликни анча оширди - 5та гол ва 2та самарали узатма. Умуман олганда, ҳужумчи жами 17та ўйинда «Гол + пас» тизимида 13 очко йиғди (9та гол + 4та «пас»).
*** Уэйн аввалроқ АПЛга қайтиши мумкинлиги ҳақида гапирганди. Бироқ унинг амалдаги шартномаси 2021 йил охиригача мўлжалланган. Руни «Ди Си Юнайтед»да йилига 3,5 млн. доллар миқдорида маош олади (лига бўйича 8-кўрсаткич).
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20