Эътироф: Драган Черан яққол етакчи...

10.07.2019 02:31

445

Хабарингиз бор, газетамиз орқали CocaCola Суперлига-2019нинг ҳар бир туридан кейин тур рамзий жамоаси аниқлаб келинади. Миллий чемпионатимизда биринчи давра якунлангач, ўтган даврни сарҳисоб қилдик ва бошқаларга нисбатан кўпроқ эътироф этилганлардан иборат яна бир рўйхат туздик. Яъни, биринчи давра рамзий термаси.

Дарвозабон танловида бироз қийинчилик юзага келди, зеро «Навбаҳор» посбони Ўткир Юсупов ва «Динамо» кипери Ботирали Эргашев бир хил - 3тадан очко тўплашганди. Мазкур ҳолатда биринчи даврада жамоаси нисбатан камроқ тўп ўтказиб юборган дарвозабонни танладик - яъни, Юсупов.

Ҳимоячилар эса 5 нафар: «Локомотив»дан Ислом Тўхтахўжаев (4) ва Анзур Исмоилов (3), шунингдек, «Бунёдкор»дан Анвар Ғофуров (3) марказга жойлашган бўлишса, чап қанотга Фаррух Сайфиев («Пахтакор», 3) қўйилди. Мудофаанинг ўнг томонига эса жорий мавсум «Насаф»да барқарор ўйин кўрсатаётган Дилшод Саитов (3) жойлашди.

Ярим ҳимоячилар 3 нафар: чапда «Бунёдкор» етакчиси Хуршид Ғиёсов (3), ўнгда «Динамо»нинг тезкор вингери Сардор Эминов (3), ҳужумчи ортида эса тур рамзий термаларига кириш бўйича яққол пешқадам - Драган Черан («Пахтакор», 8).

Ҳужум чизиғидан эса икки голеадор - Александр Касьян («Навбаҳор», 3) ҳамда Ҳумоюн Муртазоев («Насаф», 3) жой олишди. Бу футболчилар Суперлига-2019 тўпурарлар пойгасида Драган Черанга рақобат туғдиришмоқда.

Тўртта тур якунига кўра рамзий жамоа бош мураббийлигига лойиқ кўрилган Вадим Абрамов («Бунёдкор») ҳақли равишда биринчи давра рамзий термасида ҳам бош мураббий бўлди.

«ИнтерФутбол» талқинига кўра, CocaCola Суперлига-2019 биринчи давраси мобайнида тур рамзий жамоасига киритилган футболчилар

«Пахтакор»

Драган Черан - 8 марта; Фаррух Сайфиев - 3; Ҳожиакбар Алижонов - 2; Егор Кримец, Одил Ҳамробеков, Жавоҳир Сиддиқов, Жалолиддин Машарипов, Марат Бикмаев, Марко Симич, Игорь Сергеев, Сардор Собирхўжаев, Шоҳруҳ Маҳмудҳожиев - 1.

«Локомотив»

Ислом Тўхтахўжаев - 4; Анзур Исмоилов - 3; Сардор Мирзаев, Арсланмурат Аманов - 2; Темурхўжа Абдухолиқов, Шуҳрат Муҳаммадиев - 1.

«Навбаҳор»

Остон Ўрунов, Ўткир Юсупов, Александр Касьян - 3; Азим Аҳмедов - 2; Жаҳонгир Меҳмонов, Мирзоҳид Ғофуров, Славко Лукич, Шаҳзод Шайманов - 1.

«Насаф»

Дилшод Саитов, Ҳумоюн Муртазоев - 3; Ислом Кенжабоев - 2; Умарбек Эшмуродов, Ғолиб Ғайбуллаев, Азиз Ғаниев, Шароф Муҳиддинов - 1.

«Бунёдкор»

Анвар Ғофуров, Хуршид Ғиёсов - 3; Мурод Зуҳуров, Ислом Қобилов - 2; Жасур Жалолиддинов, Лутфулла Тўраев, Нурилло Тўхтасинов - 1.

«Сурхон»

Шерзод Ҳакимов, Дарко Станоевич, Аъзам Алиев - 2; Шавкат Саломов, Абдулазиз Юсупов - 1.

«Динамо»

Ботирали Эргашев, Сардор Эминов - 3, Миркомил Лоқаев, Ҳакимхон Аъламхонов - 2; Сирож Ҳамроев,

Қадамбой Нурметов - 1.

«Сўғдиёна»

Элёр Орифов, Шоҳруз Норхонов, Кахи Махарадзе - 2; Санжар Рашидов, Даниел Насриддинов, Милан Митрович, Шаҳбоз Жўрабеков - 1.

«Металлург»

Баҳром Абдураҳимов, Аббос Отахонов - 2; Зоҳид Абдуллаев, Станислав Андреев, Александр Лобанов, Сервер Жепаров - 1.

АГМК

Жасур Ҳасанов, Зафар Полвонов, Санъат Шихов, Шоҳназар Норбеков, Акмал Шораҳмедов, Сардор Раҳмонов - 1.

«Қизилқум»

Элгужа Григалашвили - 2, Ариагнер Медина Смит, Артём Макосин, Мақсуд Каримов, Алишер Саноев - 1.

«Бухоро»

Достон Иброҳимов - 2; Хуршид Хўжаев, Саламат Қутибоев, Эргаш Исмоилов - 1.

«Андижон»

Рўзимбой Аҳмедов - 2; Ойбек Қиличев, Аброр Ҳусинов, Бобур Омонов, Шаҳзод Убайдуллаев, Виталий Мирний, Элдор Маматказин - 1.

Қўқон-1912

Мурод Холмуҳаммедов - 2; Ойбек Рустамов, Суҳроб Бердиев - 1,

«ИнтерФутбол» талқинига кўра, CocaCola Суперлига-2019 биринчи давраси мобайнида тур рамзий жамоасига киритилган мураббийлар

Мураббий	Клуби	Нечамарта
Вадим Абрамов	«Бунёдкор»	4
Рўзиқул Бердиев	«Насаф»	3
Шота Арвеладзе	«Пахтакор»	2
Андрей Канчельскис	«Навбаҳор»	2
Улуғбек Бақоев	«Сўғдиёна»	1
Даврон Файзиев	«Динамо»	1