Иньяцио Абате «Милан» сафида 300дан ошиқ ўйин ўтказди, чемпионатда ғолиб чиқди, икки марта суперкубокда зафар қучди. Фаолиятини «Милан»да якунламоқчи эди. Лекин иложи бўлмади. Абате «Милан»ни кўзида ёш билан тарк этди.
- қандай «Милан»ни тарк этяпсиз?
- Ҳамма нарсаси бор «Милан»ни. Фундамент бор, кучли жамоа. «Милан»нинг келажагига оптимистик руҳда қарайман. Умуман олганда, жамоага икки-уч нафар янги футболчилар керак. Гаттузонинг фикрларига қўшиламан. Ёшлар ажойиб, лекин тажрибали лидерлар керак.
- Ўзингизни қандай ҳис қиляпсиз? Шартномани узайтиришмаганидан сиқилдингизми?
- Фаолиятимни «Милан»да якунлашни орзу қилгандим. Аммо ҳаёт давом этади. Октябрда Леонардо билан гаплашгандим ва у очиқ гапирганди. Ўшандаёқ мавсум якунланганидан сўнг нима бўлишини билгандим. Лекин бутун мавсум давомида унга муаммо туғдиришга ҳаракат қилдим (кулади).
- Гаттузо ҳам қийин қилиб қўйди.
- Албатта. Кўпроқ ўйнашни истагандим. Чунки ҳамон ўзимни яхши формада деб ҳисоблайман. Лекин биринчи ўринда жамоа. Рино дўстим эди ва шундайлигича қолади. Афсуски, у жамоани тарк этди. Мавсум охирида ўта қаттиқ чарчаганига гувоҳ бўлдим. Рино 1000 фоиз куч билан ишлади. Жамоа деярли ЕЧЛ йўлланмасини қўлга киритганди. Балки клубнинг режалари унинг ғояларига тўғри келмагандир.
- Охирги ўн йилда «Милан» билан кўп нарсага гувоҳ бўлдингиз. Учта энг ёқимли хотираларингиз қайси?
- «Сан Сиро» билан хайрлашиш. Бундай бўлишини кутмагандим. Яна 2011 йилги скудетто ва Дохада қўлга киритилган Суперкубок.
- Энг қувноқ жамоадошларингиз кимлар?
- Робиньо энг қувноғи эди. Пирло ҳам. Индзаги эса ҳамиша қизиқарли воқеаларни гапириб берарди.
- Кимни алоҳида кўрсатган бўлардингиз?
- Агар инсон ва спортчи сифатида оладиган бўлсам Ибра, Гаттузо ва Нестани.
- Леонардо, Мальдини, Бобан. Бундай ривожланиш йўли ҳақида нима дейсиз?
- Ҳамиша Леонардо (1 июлдан бошлаб «ПСЖ» спорт директори – таҳ.)дан миннатдорман. Айнан унинг қўл остида ўйнашни бошлаганман. У Мальдинига кўп нарса ўргатди. Энди Паоло ҳаммасига тайёр. Ўйлайманки, улар Бобан билан яхши иш олиб боришади.
- Хитойликлар қўл остидаги «Милан»дан қандай таассуротлар қолган?
- Берлускони кетганида ишонгим келмаганди. Бу ҳеч қачон рўй бермайди деб ўйлагандим. У ва Галлиани билан ўсдим. Адриано иккинчи отам эди. Хитойликлар борлигида, ўзимни ўз уйимдан ташқарида ҳис қилганман. Кетиш ҳақида ўйлаганман. Чунки мен билган «Милан»дан ҳеч нарса қолмаганди.
- «Милан»га функционер сифатида қайтган бўлармидингиз?
- Фақатгина аҳмоқлар бунга рози бўлишмайди. Лекин Рино айтганидек, олдин тажриба тўплаш лозим. Ўзимни мураббий сифатида эмас, балки спорт директори сифатида тасаввур қиламан.
- Яқин вақтларда сизни қаерда кўрамиз?
- Бир қатор клублардан таклифлар бор. Айниқса Италиядан. Лекин бошқа мамлакатга кетиш варинати ҳам йўқ эмас. Нима қилган тақдирда ҳам ўз олдига юқори мақсадларни қўйган жамоада ўйнамоқчиман.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20