ХЧК - бу Халқаро чемпионлар кубоги (International Champions Cup, ICC). Яъни охирги йилларда анъанавий тарзда ўтказилаётган мавсумолди ўртоқлик турнири. Мазкур мусобақада асосан Европанинг кучли клублари иштирок этади. Ўйинлар эса АҚШ ҳамда Осиёда ташкил этилади. Шунингдек, айрим учрашувларга Канада ва Европа стадионлари ҳам мезбонлик қилади.

*** Халқаро чемпионлар кубогини йўлга қўйиш ғояси Relevant Sports реклама компаниясидан чиққан. Мазкур компания 2012 йили кўчмас мулк магнати, «Майами Долфинс» клуби эгаси Стивен Росс ва «Нью-Йорк Жетс»нинг собиқ ижрочи-директори Мэтт Хиггинс томонидан тузилган.

*** ХЧК Жанубий ва Шимолий Америка клублари иштирок этадиган World Football Challenge мусобақаси ўрнини эгаллади. Янги турнир ўйинларидан бирида, аниқроғи, 2014 йили АҚШда мухлислар ташрифи бўйича мутлақ рекорд ўрнатилди. Демак, 2 август куни Мичиган штатидаги Энн-Арбор шаҳрида «МЮ» ва «Реал» ўртасида кечган учрашувни стадионнинг ўзида 109 318 мухлис кузатди.

*** Ҳар йили турнир иштирокчилари сони ўзгариб туради. Дейлик, 2013 йилги мусобақада иштирокчилар ўйинлар жойига қараб, Шарқий ва Ғарбий зонага бўлинган. Якунда гуруҳ ғолиблари ва мағлублари иккинчи раундда ўзаро тўқнаш келишган.

*** ХЧК-2014 гуруҳлари жамоаларнинг географик чиқишига асосан белгиланди. Аввалига ҳар бир жамоа ўз гуруҳдошлари билан бирма-бир ўйнаб чиқди ва ғолиб финал йўлланмасини қўлга киритди.

*** 2018 йилги мусобақада 18та жамоа ягона гуруҳда ўйнади. Бунда ҳар бир иштирокчи 3тадан ўйин ўтказди. Якунда энг кўп очко тўплаган жамоага чемпионлик рутбаси берилди. Ўйинлар АҚШнинг 15та, Европанинг 7та ва Сингапурнинг 1та стадионида ташкил этилди.

*** Жорий йилги мусобақа ўйинларини Хитой, Англия, Швеция, Сингапур, АҚШ ва Уэльснинг 16та шаҳри қабул қилади. Иштирокчилар сони - 12та.

ХЧК-2019 иштирокчилари

Италия - «Фиорентина», «Интер», «Ювентус», «Милан»

Англия - «Арсенал», «МЮ», «Тоттенхэм»

Испания - «Атлетико», «Реал»

Германия - «Бавария»

Португалия - «Бенфика»

Мексика - «Гвадалахара»

ХЧК-2019 таҚвими

16 июль (сешанба)

Брижвью (АҚШ)

«Фиорентина» (Италия) - «Гвадалахара» (Мексика)

17 июль (чоршанба)

Карсон (АҚШ)

«Арсенал» (Англия) - «Бавария» (Германия)

20 июль (шанба)

Сингапур (Сингапур)

«МЮ» (Англия) - «Интер» (Италия)

Санта-Клара (АҚШ)

«Бенфика» (Португалия) - «Гвадалахара» (Мексика)

Шарлотт (АҚШ)

«Арсенал» (Англия) - «Фиорентина» (Италия)

Хьюстон (АҚШ)

«Реал» (Испания) - «Бавария» (Германия)

21 июль (якшанба)

Сингапур (Сингапур)

«Ювентус» (Италия) - «Тоттенхэм» (Англия)

23 июль (сешанба)

Ландовер (АҚШ)

«Реал» (Испания) - «Арсенал» (Англия)

Канзас-Сити (АҚШ)

«Бавария» (Германия) - «Милан» (Италия)

Арлингтон (АҚШ)

«Гвадалахара» (Мексика) - «Атлетико» (Испания)

24 июль (чоршанба)

Нанкин (Хитой)

«Ювентус» (Италия) - «Интер» (Италия)

Харрисон (АҚШ)

«Фиорентина» (Италия) - «Бенфика» (Португалия)

25 июль (пайшанба)

Шанхай (Хитой)

«Тоттенхэм» (Англия) - «МЮ» (Англия)

26 июль (жума)

Ист Резерфорд (АҚШ)

«Реал» (Испания) - «Атлетико» (Испания)

28 июль (якшанба)

Фоксборо (АҚШ)

«Милан» (Италия) - «Бенфика» (Португалия)

3 август (шанба)

Кардифф (Уэльс)

«МЮ» (Англия) - «Милан» (Италия)

4 август (якшанба)

Лондон (Англия)

«Тоттенхэм» (Англия) - «Интер» (Италия)

10 август (шанба)

Стокгольм (Швеция)

«Атлетико» (Испания) - «Ювентус» (Италия)