Бразилия диёри ҳар доим скаутлар эътиборининг қоқ марказида туради. Чунки «афсунгарлар ўлкаси» дунё футболининг ҳар бир нуқтасини энг сифатли маҳсулотлар билан таъминлайдиган фабрикадир. Футбол оламида ушбу диёр фарзандлари ўзгача эҳтиромга сазовордирлар.
2015 йил охирида «кўҳна қитъа» грандларининг нигоҳи яна бир бор океан ортига қаратилди. «Сантос»нинг 19 ёшли ҳужумчиси Габриел Барбоза ва «Палмейрас»нинг 18 ёшли футболчиси Габриел Жесус скаутлар оромини ўғирлашди. Мазкур гўшадан анчадан бери соф бразилча ўйин кўрсатадиган марказий ҳужумчи етишиб чиқмаётган бир паллада мутахассислар «пентакампион»лар учун Габриеллар эраси бошланаётгани ҳақида бонг уришди.
2016 йилда уларнинг ҳар иккиси Европа томон отланди. 32 миллион евро эвазига «Манчестер Сити» футболчисига айланган Жезус ўзига билдирилган ишончни оқлай олди. Асосий таркиб учун мунтазам равишда Агуэро билан рақобат олиб бориши эвазига ўсишга эришди ва терма жамоанинг асосий ҳужумчисига айланди.
2013 йилда Неймар «Барселона» футболчисига айлангач, «Сантос» раҳбарияти ўз олдига янги Неймар кашф этиш мақсадини қўйди. Клубнинг 17 ёшли тарбияланувчиси Габриел Барбоза Алмейда асосий таркибга сафарбар этилди. Бир неча йил ичида футбол оммасига «Габигол» лақаби билан танилган футболчи олимпия ва миллий жамоанинг асосий ҳужумчиси сифатида Олимпиада ўйинлари ҳамда Америка кубоги баҳсларида қатнашди. Барбоза учун баҳсга «Реал» ва «Барса» ҳам қўшилди. Аммо клуб талаб қилган 30 миллион еврони «Интер» раҳбарияти тўлаб берди ва бўлажак юлдуз билан истиқболли шартнома тузди. Миланликлар футболчи тимсолида янги Роналдо Луис Назариуни кўришганди.
Ваҳоланки, ҳаммаси бошқача тус олди. Европа ҳавоси Барбозага ёмон таъсир қилди. қарабсизки, «янги Неймар» икки йил мобайнида 10 учрашувда майдонга тушгани ҳолда рақиблар дарвозасини бир бор ишғол этди, холос. Алал-оқибат, «Интер» уни еврофутболдан узоқлаштирди. 2018 йилни «Сантос»да ижара асосида ўтказган футболчи Бразилия чемпионатининг энг яхши тўпурарига айланди (18та гол). Жорий йилги мусобақада «Фламенго» либосида майдонга тушаётган ҳужумчи 8 учрашувда тўп суриб, 7та гол муаллифига айланишга улгурди. Ортда қолган 10 турдан сўнг мусобақа тўпурари бўлиб турибди. Ватанига қайтиб нималарга қодирлигини исботлаётган футболчи катта эҳтимол билан келаси мавсумни Европада бошлайди. Биз эса «Габигол»дан даҳшатли «ремонтада» кутиб қоламиз.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20