Собиқ иттифоқ терма жамоаси бундан 32 йил муқаддам ўзбегим Миржалоли сардорлиги остида ўсмирлар ўртасидаги жаҳон чемпионатида зафар қучганди. Аниқроқ айтсак, 1987 йилнинг 25 июль куни собиқ иттифоқ ўсмирлар терма жамоаси ўз тарихида биринчи ва охирги марта U-16 миқёсидаги кичик мундиалнинг олтин медали ва бош совринига эга чиққанди. Ёш мураббий Александр Пискарев Канадада ташкиллаштирилган ўша ЖЧга 18 нафар футболчи билан йўл олганди. Эътиборлиси, бу йигитлар бутун собиқ иттифоқнинг турли гўшалари - Тошкент, Боку, Киев, Львов, Одесса, Ростов, Ленинград (ҳозирги Санкт-Петербург) ва Москвадан чақирилгандилар. «Иш ҳақида гап бошланса, дейлик, таркибга кимни олиш ёки кимга жавоб бериш, қайси йигитлар билан қандай шуғулланиш, ўйин услуби каби масалаларда ҳамфикр эдик. Бундай ҳолатларда ҳар иккимиз катта мураббийга айланардик, яна ассистентга ҳам», - дея ҳикоя қилганди Пискарев ўз интервьюларидан бирида.

Миржалол Қосимов ЖЧ-87 (U-16)да

Ўзбек футболининг чин юлдузи Канада майдонларида ташкиллаштирилган кичик мундиал кашфиётларидан бири сифатида эътироф этилган. Бинобарин, у собиқ иттифоқ терма жамоасининг чемпионат доирасидаги 6та ўйинида ҳам тўлиқ вақт фаол ҳаракатланиб, сардорликни ўрнига қўйганди.

Гуруҳ босқичи. 1-тур

Собиқ иттифоқ -

Нигерия - 1:1

Гол: Николай Русин.

Миржалол Қосимов 90 дақиқа ўйнаган.

Гуруҳ босқичи. 2-тур

Собиқ иттифоқ -

Мексика - 7:0

Голлар: Олег Матвеев (2та), Юрий Никифоров (2та), Анатолий Мушинка, Владислав Кадиров, Сергей Беженар.

Миржалол Қосимов 90 дақиқа ўйнаган.

Гуруҳ босқичи. 3-тур

Собиқ иттифоқ -

Боливия - 4:2

Голлар: Юрий Никифоров, Сергей Беженар, Анатолий Мушинка, Ориф Асадов.

Миржалол Қосимов 90 дақиқа ўйнаган.

Чорак финал

Собиқ иттифоқ - Франция - 3:2

Голлар: Сергей Арутюнян (2та), Юрий Никифоров.

Миржалол Қосимов 90 дақиқа ўйнаган.

Ярим финал

Собиқ иттифоқ - Кот-д~Ивуар - 5:1

Голлар: Сергей Арутюнян (2та), Миржалол Қосимов (2та), Николай Русин.

Миржалол Қосимов 90 дақиқа ўйнаган.

Финал

Собиқ иттифоқ - Нигерия - 1:1 (пен. - 4:2)

Гол: Юрий Никифоров. 

Миржалол Қосимов 120 дақиқа ўйнаган.

Миржалол Қосимовнинг умумий статистикаси: 6та ўйин, 570 дақиқа, 2та гол.

Собиқ иттофоқ термаси гуруҳ босқичида Нигерия, Мексика ва Боливия жамоаларига қарши майдонга тушган. ЖЧга жаҳоннинг амалдаги чемпиони сифатида борган Нигерия термаси билан баҳсда 1:1 ҳисоби қайд этилган, боливияликлар (4:2) ва мексикаликлар (7:0) эса ортиқча муаммосиз доғда қолдирилган. Чорак финалда Пискарев жамоаси Франция термасига дуч келиб, 3:2 ҳисобида устун келган. «Французлар сафида жамоанинг икки нафар бош юлдузи дисквалификация туфайли майдонга тушмаган. Собиқ иттифоқ термаси эса энг яхши ҳолатда эди. Ҳар икки рақиб сифатли футбол кўрсатган: иттифоқ жамоаси айниқса, ярим ҳимояда ўта тартибли ҳаракатланган, французлар эса футболчиларнинг индивидуал маҳоратига кўпроқ таянган», — дейилади ФИФАнинг ўйин ҳақидаги ҳисоботида. Ярим финал баҳси собиқ иттифоқ термаси учун анча енгил ўтган - 1-дақиқадаёқ ҳисобни очган жамоа якунда Кот-д~ивуарлик ўсмирларни мутлақо тор-мор қилган - 5:1. Бу учрашув ҳақида ФИФА ҳисоботида шундай дейилади: «Иттифоқ футболчилари африкаликларнинг заиф нуқталаридан унумли фойдаланишган. Улар илк 10 дақиқада 2та гол уришган, биринчи бўлим охирида эса Сергей Арутюнян рақиб дарвозасини қойилмақом тарзда нишонга олган. Кот-д~Ивуар термаси ҳимояси жуда бўш кўринганди: жамоанинг индивидуал томондан кучли бир неча футболчига умид боғлагани шундоқ сезилиб қолган. Рақиб эса ўйинни тушуниш бобида яққол ажралиб турган». Собиқ иттифоқ термаси финалда чемпионатдаги биринчи рақиби - Нигерия жамоаси билан тўқнаш келган. Бу сафар худди гуруҳ босқичида бўлгани каби асосий вақтда ҳам, қўшимча бўлимларда ҳам ғолиб аниқланмайди - яна 1:1. Натижада чемпионлик масаласини пенальтилар серияси орқали ҳал этишга тўғри келади ва унда Миржалол Қосимов жамоадошлари кучлироқ ҳамда омадлироқ чиқишади. «Нигерияликлар майдонда ҳўнграб йиғлашган. Зеро, улар чемпионликни кўзлагандилар. Аслида Африка жамоаси чакки эмасди, бироқ унинг таркибида ёши каттароқ йигитлар ҳам борлиги яққол сезилганди», — дея эслаганди финални дарвозабон Юрий Окрошидзе. Дарвоқе, финалнинг фахрий меҳмонлари қаторидан жой олган афсонавий Пеле ўйиндан кейин ҳужумчи Юрий Никифоров ва айнан голкипер Окрошидзенинг ҳаракатини алоҳида эътироф этиб, уларни ёрқин келажак кутаётганини таъкидлаганди. Энди ўша «олтин жамоа» вакилларининг кейинги тақдирларига бирров назар солсак бўлар... Хўш, Миржалол Қосимов сафдошларидан кимлар юқори савияга чиқа олишди?

Юрий Никифоров

Ўшанда: «Черноморец» (Одесса) ҳужумчиси (кейинчалик - ҳимоячи)

Клублари: «Динамо» (Киев), «Спартак» (Москва), «Спортинг» (Хихон), ПСВ, «Валвейк», «Урава Редс Даймондс»

Совринлари: ЖЧ (U-16) олтин медали, Европа чемпионати (U-17) кумуш медали, Европа чемпионати (U-19) олтин медали, Украина кубоги, Россия чемпионати олтин медали (3), Россия кубоги, Голландия чемпионати олтин медали (2), Голландия суперкубоги (3), Япония Лига кубоги 

Фаолияти якунланган йил: 2004

Ҳозир: «Динамо» (Москва) бош мураббийи ассистенти

Миржалол Қосимов

Ўшанда: «Пахтакор» ярим ҳимоячиси

Клублари: «Динамо» (Минск), «Спартак» (Владикавказ)|«Алания», «Крилья Советов», «Ал-Шабаб», «Машъал»

Совринлари: ЖЧ (U-16) олтин медали, Европа чемпионати (U-16|U-17) олтин медали (2), Ўзбекистон чемпионати олтин медали (3), Ўзбекистон кубоги (4), Россия чемпионати олтин медали, Осиё ўйинлари олтин медали; мураббий ролида: Ўзбекистон чемпионати олтин медали (3), Ўзбекистон кубоги (3), ОЧЛ ярим финалчиси (2)

Фаолияти якунланган йил: 2005

Ҳозир: АГМК бош мураббийи

Юрий Окрошидзе

Ўшанда: «Зенит» дарвозабони

Клублари: «Сокол», «Рубин», ЦСКА, «Уралан», СКА (Ростов)

Совринлари: ЖЧ (U-16) олтин медали, Европа чемпионати (U-16) кумуш медали

Фаолияти якунланган йил: 2006

Ҳозир: «Зенит» ёшлар жамоаси мураббийи

Ориф Асадов

Ўшанда: «Нефтчи» (Боку) ҳимоячиси

Клублари: «Спартак» (Владикавказ), «Динамо» (Боку), «Тюмень», «Анжи», «Қорабоғ», «Қорабоғ-Азерсун», «Ҳазар-Ленкоран», «Гянжа»

Совринлари: ЖЧ (U-16) олтин медали, Европа чемпионати (U-19) олтин медали, Озарбайжон чемпионати олтин медали (2)

Фаолияти якунланган йил: 2005

Ҳозир: Озарбайжон терма жамоаси мураббийи

Сергей Беженар

Ўшанда: «Днепр» ҳимоячиси

Клублари: «Днепр», «Динамо» (Киев), «Динамо-2», «Динамо-3», ЦСКА (Киев), «Расинг», «Эрзурумспор», «Черноморец», «Таврия», «Актобе»

Совринлари: ЖЧ (U-16) олтин медали, Европа чемпионати (U-19) олтин медали, Украина чемпионати олтин медали (4), Украина кубоги

Фаолияти якунланган йил: 2004

Ҳозир: «Динамо» (Киев) ўсмирлар жамоаси катта мураббийи

Юрий Мороз

Ўшанда: «Динамо» (Киев) ҳимоячиси

Клублари: «Верес», «Хапоэль», «Бней Иегуда», «Маккаби» (Яффа), «Алания», «Торпедо-ЗИЛ», «Локомотив» Н-Н., «Закарпатье», «Ворскла»

Соврини: ЖЧ (U-16) олтин медали 

Фаолияти якунланган йил: 2003

Ҳозир: «Динамо» (Киев) ёшлар жамоаси катта мураббийи

Виктор Гузь

Ўшанда: «Ротор» дарвозабони

Клублари: «Торпедо» (Волжский), «Волгарь-Газпром», «Газовик», «Достик», «Актобе-Ленто», «Космос», «Жетису»

Соврини: ЖЧ (U-16) олтин медали

Фаолияти якунланган йил: 2003

Ҳозир: «Томь-2» мураббийи

Владислав Кадиров

Ўшанда: «Нефтчи» (Боку) ҳужумчиси

Клублари: «Сахалин», «Локомотив» Н-Н., «Арсенал» (Тула), «Спартак Рязань», «Лада-Энергия», «Боку Фехлеси»

Соврини: ЖЧ (U-16) олтин медали

Фаолияти якунланган йил: 1998

Ҳозир: AZFAR (Озарбайжон) футбол мактаби мураббийи

Владислав Лемиш

Ўшанда: «Нефтчи» (Боку) ҳужумчиси

Клублари: «Кубань», «Торпедо», «Паламос», ЦСКА, «Изумруд», «Дружба», «Динамо» (Ставрополь), «Балтика», «Славия» (Мозирь)

Соврини: ЖЧ (U-16) олтин медали 

Фаолияти якунланган йил: 1998

Ҳозир: Кубань давлат аграр университети жисмоний тарбия ўқитувчиси

Николай Русин

Ўшанда: СКА (Киев) ҳимоячиси

Клублари: «Динамо» (Белая Церковь), «Закарпатье», «Карпати» (ҳавас.), «Тисасалка» (ҳавас.), «Мукачево» (ҳавас.)

Соврини: ЖЧ (U-16) олтин медали

Фаолияти якунланган йил: 2002

Ҳозир: номаълум

Ираклий Геленава

Ўшанда: «Динамо» (Сухуми) ҳимоячиси

Клуби: «Цхуми»

Соврини: ЖЧ (U-16) олтин медали 

Фаолияти якунланган йил: 1990

Ҳозир: Красногорск гимназияси жисмоний тарбия ўқитувчиси

Анатолий Мушинка

Ўшанда: «СКА-Карпати» ярим ҳимоячиси

Клублари: «Динамо» (Киев), «Карпати», «Металлург» (Запорожье), «Хомбург», «Саарбрюкен»

Соврини: ЖЧ (U-16) олтин медали

Фаолияти якунланган йил: 2003

Ҳозир: ишсиз (Украинага қайтишига қадар узоқ вақт Германияда яшади)

Юрий Мокрицкий

Ўшанда: «СКА-Карпати» ҳимоячиси

Клублари: «Галичина», «Карпати», «Маккаби» (Ирони), «Жемчужина», «Ворскла», «Прикарпатье», «Полиграфтехника», «Нива», «Александрия», «Техно-Центр», «Днепр»

Соврини: ЖЧ (U-16) олтин медали 

Фаолияти якунланган йил: 2005

Ҳозир: тадбиркор

Валерий Високос

Ўшанда: «Динамо» (Киев) ярим ҳимоячиси

Клублари: «Судостроитель», «СК Николаев», «Полиграфтехника», «Металлург» (Никополь), «Титан» (Армянск), «Кремень», «Славия», «Водник», «Пальмира»

Соврини: ЖЧ (U-16) олтин медали 

Фаолияти якунланган йил: 2005

Ҳозир: «Милан» (Николаев) ҳаваскорлар клуби мураббийи

Олег Матвеев

Ўшанда: «Ростсельмаш» ҳужумчиси

Клублари:  «Динамо» (Киев), «Шахтёр», «Кремень», «Металлург»

Совринлари: ЖЧ (U-16) олтин медали, Украина кубоги (2)

Фаолияти якунланган йил: 2002

Ҳозир: «Шахтёр» селекционер мураббийи

Сергей Арутюнян

Ўшанда: «Динамо» (Сухуми) ҳужумчиси

Клублари: «Жемчужина-Сочи», «Торпедо» (Сочи), «Уралан», «Волгарь», «Дружба» (Майкоп), «Кубань», «Югра»

Соврини: ЖЧ (U-16) олтин медали

Фаолияти якунланган йил: 1999

Ҳозир: номаълум

Юрий Макаров

Ўшанда: «Динамо» (Киев) ҳужумчи|ярим ҳимоячиси

Клублари: «Динамо» (Белая Церковь), «Рось», «Динамо-2» (Киев), «Кристалл», «Строитель», «Ведрич-97»

Соврини: ЖЧ (U-16) олтин медали

Фаолияти якунланган йил: 1998

Ҳозир: болалар мураббийи

Вячеслав Царев

Ўшанда: спорт мактаби тарбияланувчиси

Клублари: «Динамо» (Москва), «Локомотив», «Уралан», «Сокол» (Саратов), «Химки

Совринлари: ЖЧ (U-16) олтин медали, Россия кубоги

Фаолияти якунланган йил: 2003

2010 йили оғир хасталик туфайли ҳаётдан кўз юмди.

А.Аҳмедов тайёрлади.