Пеп Гвардиола бир клубда 4 мавсумдан кўп ишламаган. «Манчестер Сити» - бу анъанага барҳам бериш учун жуда яхши имконият.
Апрелда «Манчестер Сити» Рой Хожсоннинг «Кристал Пэлас»ига қарши ўйнади. Бу мутахассис Гвардиола учун Юрген Клопп сингари ноқулай рақиб-ҳамкасб ҳисобланади. Пепдан «Ёшингиз 70дан ўтганидан кейин Хожсон сингари мураббийлик қиласизми ёки йўқми?» қабилида савол беришганида, испаниялик шундай жавоб берди: «Асло. Бунинг иложи йўқ. Ўлишимдан аввал бошқа ишлар билан шуғулланмоқчиман. Биласиз, ўз ишимни яхши кўраман, лекин бир кун келиб бошқа юмушларга эътибор қаратаман. Рафиқам, оилам... 71? Бунинг учун алоҳида куч-қувват бўлиши лозим, ўйлашимча, Рой Хожсондан бошқаси шу ёшда шундай савияда ишлашни уддалай олмаса керак», - деганди 48 ёшли Пеп.
Кўриниб турибдики, футболда Гвардиолани узоқ вақт сақлаб қолиш учун имконият кам.
Пеп суперкучли жамоаларни шакллантиргач, вақт келганини билгани ҳолда бошқа жамоага кетади, янги чақирувлар сари интилади. «Келажагимни танлаш учун эркинлик берилган жойдагина яхши ишлайман. Узоқ муддатли шартномага боғланиб қолиш - мен учун стрессдир, бундай нарсалар ўйинга бўлган иштиёқни ўлдириши мумкин», - деганди Гвардиола «Барселона»даги иккинчи йилида.
«Барселона Б» билан Испания тўртинчи дивизионида тўрт мавсум ишлаган мутахассис 2008 йили катта мураббийлик фаолиятини бошлади. Сўнгра учта ажойиб босқични босиб ўтди. Буни Пепнинг карьерасидаги кўрсаткичлари қайд этилган инфографика исботлаб турибди.
4 август куни Англия Суперкубогида «Ливерпул»ни енгган (1:1, пенальтилар сериясида - 5:4) «Манчестер Сити» Гвардиола билан навбатдаги совринни қўлга киритди. Шу тариқа Пепнинг «шаҳарликлар» бошқарувидаги тўртинчи мавсуми бошланди. Мабодо УЕФА суриштирувлари «Сити» зарарига ишлаб, жамоа Чемпионлар Лигасидан четлатилса ҳам, каталониялик мутахассис амалдаги шартномани ҳурмат қилишини бир неча марта таъкидлаган. «Бу ерда икки йил, балки ундан ҳам кўпроқ бўларман. Токи ўзлари ишдан бўшатмагунларича кетмайман. Кейинги икки йил «Ювентус»га бормаслигим аниқ», - дея яқинда тарқаган хабарларга табассум билан муносабат билдирди Гвардиола.
Агар Пеп ўз принципларига содиқ қолса, Манчестерда камида 2021 йилнинг ёзигача қолади. Шунда «Манчестер Сити» унинг иштирокидаги энг узоқ муддатли лойиҳа бўлади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20