Санкт-Петербургнинг «Зенит» клуби «Барселона»дан бразилиялик ҳужумчи Малкомни сотиб олди. Шу муносабат билан «СЭ» нашри ушбу футболчи борасида қизиқ фактларни келтириб ўтди.
Бу футболчига 60-йиллардаги афроамерикалик етакчи, ирқчилик ва коррупцияга қарши курашган Малкольм Икс шарафига шундай исм қўйишган. «Отамга Малкольмнинг тарихи жуда ёққан. Шу боис ҳам менга шундай исм қўйган», - деганди ҳужумчи Lance нашрига берган интервьюсида.
Ҳақиқатан ҳам футболчининг онаси Флавия де Оливейра ўғлига Филипе исмини бермоқчи бўлган. Шунга бўлса керак, чўқинтириш пайтида чақалоқни Малком Филипе деб номлашган. Оилада ҳам уни барча Филипе деб чақиради. Малком эса чўқинтирилгандаги, шунингдек, нотўғри ёзилган исм бўлиб қолаверди. Бу исмдан футболчи «Коринтианс»нинг биринчи жамоасида ўйнай бошлаганида фойдаланган.
2007 йили Флавия 11 ёшли ўғлини «Коринтианс» мактаби кўригига олиб борган. Ўшанда имтиҳонда 400 нафар бола иштирок этган. Лекин фақатгина Малкомни академияга қабул қилишган. Болаларни саралаб олган мураббий Малкомнинг иқтидоридан хабардор эди. Чунки «Эсперия» футзал жамоаси мураббийи ҳужумчи ҳақида унга маълум қилганди.
Кейинчалик Малком воқеалар ривожини бошқача талқин қилганди: «Кўрикда 10-11 ёшли юз нафар бола бўлган. Фақатгина уч киши имтиҳондан ўтганмиз. Ўзимизни кўрсатишимиз учун 10 дақиқа вақт беришганди. Омадим келган. Агар тинимсиз дриблинг намойиш қилсангиз, сизни индивидуалист, деб ҳисоблашади».
«Барселона»га ўтганидан сўнг Малкомнинг фаолиятида бувиси Сониа муҳим роль ўйнаганини гапириб берганди: «Мухлислар билишадими ёки йўқми, лекин бувим транспорт ва машғулотларга пулим бўлиши учун кастрюлларни сотарди. Бошқа болаларнинг пули бор эди. Бу ҳақда бир сафар уйда айтгандим. Ўшанда бувим кастрюлларини сотган. Ҳар ким ҳам шундай қилавермайди. Бувим мен учун иккинчи онам», - деганди Малком «Барселона» каналига берган интервьюсида.
Малком тенгқурлари орасида анча олдин ажраб чиққанди. 17 ёшлилар жамоаси сафида Сан-Паулу штати чемпионатида ғолиб бўлган. Шундан сўнг ҳужумчини 20 ёшлилар жамоасига ўтказишга қарор қилишган. Ўшанда жамоа профессионал футболга қадам қўяётган ёш футболчилар учун муҳим ҳисобланган турнир - Сан-Паулу кубоги учун кураш олиб бораётганди. «Бу даражага жисмонан ярамайман, деб ўйлагандим. Ёшлигингизда уч ёш ҳам катта фарқ ҳисобланади. Лекин мураббий ҳаммаси яхши бўлишини айтганди. У ҳақ бўлиб чиқди», - деганди Малком.
Футболчи ўқиш ва машғулотларни бир вақтнинг ўзида олиб бориш учун вақт топа олмасди. «Ҳафтада икки марта мактабга боришга ҳаракат қилардим. Баъзида кунига икки маҳалдан ҳам машғулотлар ўтказишимизга тўғри келган. Ўқитувчилар уй вазифасини электрон почта орқали жўнатишарди. Баъзида онамдан вазифани мен учун бажариб қўйишини сўрардим. Чунки вақтим жуда кам эди. Биринчи жамоага ўтказишганидан кейин эса вазият ўзгарди. Энди ўқитувчиларнинг ўзлари ёрдам бера бошлашди», - деганди Малком матбуот анжуманларининг бирида.
Қаҳрамонимиз биринчи ҳайдовчилик гувоҳномасини олганида уни фирибгарликда айблашган. У гувоҳномани 18 ёшга тўлганига 20 кун бўлганида олган. Теширувлар натижасида Сан-Паулу штатида 5 мингта гувоҳнома ноқонуний берилгани аниқланган. Натижада иккинчи ҳафдовчилик гувоҳномасини олиш учун футболчи 6 минг реал сарфлашига тўғри келган.
Қонун бўйича назарий ва амалий дарслар ва имтиҳонлар учун камида уч ой кетади. Малком эса назарий ва амалий дарсларни бир вақтнинг ўзида олиб борган. Бу эса қонунга зид. Футболчининг ўзи гувоҳнома олаётганида фирибгарликка йўл қўйганини тан олмаган.
А.ҲАМИДОВ тайёрлади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20