Йилдан-йилга ўз мавқеини тиклаб бораётган «Ливерпуль» бу ёзда ҳеч қандай шов-шувли трансферларга қўл урмади. Тўғри, жамоа Голландиянинг «ПЕК Зволле» клубидан 17 ёшли марказий ҳимоячи Сепп ван ден Бергни ва «Фулхэм»дан 16 ёшли ярим ҳимоячи Харви Эллиоттни харид қилиб, «эркин агент» мақомидаги дарвозабон Адрианни ҳам ўз таркибига қўшиб олди. Аммо бу ўтишларни «катта трансферлар» сирасига киритиб бўлмайди, асло. Энг қизиғи, «Ливерпуль» бош мураббийи Юрген Клопп шу учтагина ўзгариш билан чекланди ва жамоани кучайтириш учун... сёрфингчи Себастьян Штойдтнер билан ҳамкорликни бошлади. Мураббийнинг сўзларига кўра, бу спортчи унинг шогирдларига «стресс» (руҳий зўриқиш, асаббузарлик)ни енгишда ёрдам берар экан.
«ЛИВЕРПУЛ»ГА НЕГА СЁРФИНГЧИ КЕРАК БЎЛИБ ҚОЛДИ
Ким ўзи у, Себастьян Штойдтнер?
Штойднер ҳозирда 34 ёшда ва Нюрнберг шаҳрида дунёга келган. Немис миллатига мансуб қаҳрамонимиз ҳаётда «Ҳар нарсанинг иложи бор» тамойилига амал қилади. Шунингдек, ўзининг «Инстаграм»даги саҳифасида кишини руҳлантирувчи жумлалар ва ўгитларни ёзиб қолдиради.
Эътиборлиси, сёрфинг устаси 2015 йили Португалиянинг Назаре порт-шаҳрида 71 фут (22 метр)ли тўлқинни забт этиб, фаолиятида иккинчи марта XXLBiggestWave мукофотини қўлга киритган. Штойдтнернинг таъкидлашича, ўша йили у ҳатто 95 фут (29 метр)лик тўлқинни ҳам бўйсундиришга муваффақ бўлган. Айни пайтда спортчи YouTube тармоғидаги саҳифасини фаол юритиб, ўзининг кундалик ҳаёти, жамоаси ва тўлқинлар билан кураш чоғидаги энг қизиқарли паллаларни обуначиларига ҳавола қилиб келмоқда.
Таъкидлаш лозимки, Штойдтнер «Ливерпул»нинг мавсумга тайёргарлик жараёнида қатнашиб, футболчилар билан машғулот ўтказишга ҳам улгурди. Франциянинг Эвиан шаҳрида ўтган бу машқларда Штойдтнер Клопп шогирдларига тўғри нафас олиш техникаси, сув остида нафасни тўғри тутиб туриш ва бу орқали руҳий зўриқишлардан қандай қутулиш мумкинлигини кўрсатган. The Times нашрининг гувоҳлик беришича, ЕЧЛнинг амалдаги ғолиблари Себастьян Штойдтнернинг «мастер-класс»идан қониқиш ҳосил қилишган.
Бунақаси олдин ҳам бўлганми?
Очиғини айтганда, бошқа спорт вакилларига Юрген Клопп томонидан ҳамкорлик таклиф қилиниши - янгилик эмас. Дейлик, ўтган мавсум арафасида Клопп бобслейчи ва «аут»дан тўпни ўйинга киритиш бўйича мураббий Томас Гроннемаркка мурожаат қилганди. Даниялик ушбу мутахассиснинг иш услуби «Ливерпуль» устозига шунчалик маъқул тушдики, у Гроннемаркни ўзининг ёрдамчилари қаторида олиб қолди. Ким билади дейсиз, эрта-индин «Ливерпуль» мураббийлар штаби сёрфингчи Себастьян Штойдтнер ҳисобига «бойигани» ҳақида эшитиб қолсак ҳам, ажабмас...
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20