Ўзбекистон ўсмирлар ва ёшлар терма жамоаларининг Марказий Осиё чемпионатидаги натижаларига эътибор қаратмаслик керакми? Менимча, бундай фикрлар ўринсиз. Ҳа, биласиз, болалар футболида натижа ортидан қувиш ҳеч қандай яхшиликка олиб келмайди. Бироқ гап катта футболга қадам ташлашга улгурган ва бунга яқин турган йигитлар ҳақида кетаётганини унутмайлик. Қолаверса, руҳиятга таъсир масаласи ҳам бор-ку. Дейлик, Афғонистон ва Тожикистон термаларини ютолмаслик профессионал даражага яқинлашган футболчиларга салбий таъсир қилмайдими? Ахир катта турнирлар ривожланишга беқиёс туртки бермайдими? Тўғри, марказий Осиё чемпионати катта турнир ҳам эмас, аҳамияти ҳам йўқ, ҳисоби. Лекин айнан шундай мусобақалар орқали жамоанинг ўз кучига ишончини орттириб бориш зарур-ку. Хуллас, ёшлар ва ўсмирлар терма жамоалари мутасаддилари Тожикистонда қайд этилган натижалардан асло кўз юммасликлари керак. Ахир бизни олдинда расмий ўйинлар кутмоқда. Агарда ёшлар тизимидаги жамоаларимиз қитъа ва чемпионатидан яна четда қолса, бу футболимиз тараққиётини сезиларли даражада секинлаштиради. Бас шундай экан, улар олдига ҳам марҳум Мираброр Усмонов даврида бўлгани каби муайян талабларни қўйиш мақсадга мувофиқ.
Зокир ПАЗИЛОВ (Қўқон шаҳри).
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20