Европада қайси клублар трансферларга кўп сарфлаяпти? CIES футбол обсерваторияcи 2005 йилдан кейин амалга оширилган трансферлар юзасидан мониторинг ўтказди. Таҳлил гуруҳининг янги баёноти эса 2010-2019 йиллар оралиғидаги «олди-сотди»ларга тегишли маълумотларни ўз ичига қамраб олган. Албатта, таҳлил асосан Европанинг кучли 5та миллий чемпионати (Англия Премьер-лигаси, Испания Ла-лигаси, Италия «А» серияси, Германия Бундеслигаси ва Франция элит лигаси)га дахлдор. CIES обсерваторияcи баёнотида 7та факт яққол кўзга ташланиб турибди.
1-факт. 5 йил давомида клублар томонидан трансферларга ажратилган жами маблағ миқдори нақ деярли 2 баравар ошди. 2019 йили кучли 5та лига иштирокчилари харидлар йўлида жами 6,6 млрд. евро сарфлашди. Бу рекорд кўрсаткичдир, албатта. 5 йил олдин эса жами харажат миқдори чамаси 2 баравар кам эди - 3,8 млрд. евро.2010 йилги кўрсаткичга қарасак, сумма жуда оз кўринади - 1,5 млрд евро. Умуман, 2019 йили Испания, Италия ва Германия чемпионатларида трансферларга кетган харажат ҳажми рекорд даражага етди.
Охирги 5 йиллик кўрсаткич
2015 йил - 3,851 млрд. евро
2016 йил - 4,234 млрд. евро
2017 йил - 6,064 млрд. евро
2018 йил - 5,806 млрд. евро
2019 йил - 6,622 млрд. евро
2-факт. Кучли 5та лигадан ташқарида фақат «Бенфика», «Порту» ва «Аякс» клублари трансферлардан кўп топяпти. Агар 2010 йилдан кейинги савдолардан энг кўп пул топган клубларга қарасак, кучли 5та лига вакиллари орасида «Монако» мутлақ пешқадам эканлигини кўрамиз. Франция жамоасининг бу даврда трансферлардан олган улуши 1 миллиард евродан кўп. Умуман, «Монако» даромад бобида миллиард довонига етган ягона клубдир. Энг сердаромад жамоаларнинг кучли 20талигига кирганлардан 17таси топ-5та лига вакилидир. Демакки, бошқа лигалардан атиги 3та клуб бор - «Бенфика», «Порту» ва «Аякс».
Трансферлардан энг кўп топган 20та клуб
1. «Монако» - 1,029 млрд. евро
2. «Челси» - 868 млн. евро
3. «Ювентус» - 787 млн. евро
4. «Бенфика» - 780 млн. евро
5. «Реал» - 763 млн. евро
6. «Атлетико» - 754 млн. евро
7. «Рома» - 726 млн. евро
«Барселона» - 726 млн. евро
9. «Ливерпуль» - 716 млн. евро
10. «Боруссия» Д. - 678 млн. евро
11. «Порту» - 592 млн. евро
12. «Севилья» - 582 млн. евро
13. «Валенсия» - 539 млн. евро
14. «Аякс» - 513 млн. евро
«Тоттенхэм» - 513 млн. евро
16. «Лион» - 497 млн. евро
17. «Манчестер Сити» - 492 млн. евро
18. «Лилль» - 483 млн. евро
19. «Женоа» - 472 млн. евро
20. «ПСЖ» - 453 млн. евро
3-факт. Энг ёмон баланс «Сити»да. 2010 йилдан кейинги харидлар ва сотувлар умумий суммаси ўртасидаги фарқни олсак, энг ёмон баланс «Манчестер Сити»да - 1 миллиард евродан кўп. «ПСЖ» ва «МЮ»нинг бу борадаги кўрсаткичига ҳам ҳавас қилиб бўлмайди. Умуман, энг катта салбий фарққа эга 10 клубдан ҳар бири молиявий «Фэйр-плей» қоидаси доирасида муаммога юз тутиши мумкин (тўғри, бунда фақат трансферлар инобатга олинмайди).
Трансферлар бўйича энг катта салбий
фарққа эга 10та клуб
1. «Манчестер Сити»: -1,091 млрд. евро
2. «ПСЖ»: -901 млн. евро
3. «МЮ»: -833 млн. евро
4. «Барселона»: -720 млн. евро
5. «Милан»: -439 млн. евро
6. «Реал»: -425 млн. евро
7. «Ювентус»: -414 млн. евро
8. «Челси»: -395 млн. евро
9. «Интер»: -391 млн. евро
10. «Арсенал»: -366 млн. евро
4-факт. «Лилль» ҳаммадан кўп топяпти. 2010-2019 йиллар оралиғида трансферлар учун кетган ва улардан олинган маблағ ўртасидаги фарқ бўйича эса «Лилль» ҳаммадан олдинда - +249 миллион евро. Эътиборлиси, ижобий фарқ бобида 2-ўрин ҳам Франция вакилига тегишли. Умуман, энг катта ижойиб баланс ҳосил қилган 20та клубдан нақ 10таси Франциядан.
Трансферлар бўйича энг катта ижойиб
фарққа эга 20та клуб
1. «Лилль»: +249 млн. евро
2. «Монако»: +215 млн. евро
3. «Женоа»: +193 млн. евро
4. «Лион»: +174 млн. евро
5. «Удинезе»: +169 млн. евро
6. «Хоффенхайм»: +139 млн. евро
7. «Атлетик»: +114 млн. евро
8. «Монпелье»: +111 млн. евро
9. «Аталанта»: +109 млн. евро
10. «Эспаньол»: +95 млн. евро
11. «Севилья»: +86 млн. евро
12. «Сент-Этьен»: +81 млн. евро
13. «Бордо»: +77 млн. евро
14. «Тулуза»: +66 млн. евро
15. «Вильярреал»: +65 млн. евро
16. «Ренн»: +62 млн. евро
17. «Ницца»: +51 млн. евро
18. «Анже»: +44 млн. евро
19. «Реал Сосьедад»: +37 млн. евро
20. «Майнц»: +36 млн. евро
5-факт. Энг катта харажат АПЛ клубларига тегишли. Агар халқаро трансферлар кўламига қарасак, АПЛ жамоалари энг йирик харидор бўлиб қолмоқда. Франция элит лигаси иштирокчилари аксинча, бош таъминотчи ролида. Англия лигаси 2010 йилдан буён Франция жамоаларидан жами 1,246 миллиард еврога футболчи сотиб олган.
Халқаро трансферлар: 10та энг йирик йўналиш
1. Англия - Франция: 1,246 млрд. евро
2. Англия - Германия: 767 млн. евро
3. Англия - Италия: 729 млн. евро
4. Англия - Испания: 658 млн. евро
5. Испания - Португалия: 614 млн. евро
6. Англия - Португалия: 524 млн. евро
7. Англия - Голландия: 438 млн. евро
8. Испания - Бразилия: 324 млн. евро
9. Англия - Бельгия: 304 млн. евро
10. Италия - Голландия 284 млн. евро
6-факт. 2019 йили «Атлетико», «Реал» ва «Барселона» клублари ҳаммадан кўп сарфлади. Фақат 2019 йили амалга оширилган савдоларни инобатга олсак, харажат бобида Испаниянинг 3та гранд клуби етакчилик қилди. Кутилмаган ҳолат - энг кўп пул сарфлаган жамоа - «Атлетико» (329 млн. евро).
2019 йили энг кўп пул сарфлаган 10та клуб
1. «Атлетико» - 329 млн. евро
2. «Реал» - 324 млн. евро
3. «Барселона» - 256 млн. евро
4. «Интер» - 212 млн. евро
5. «Ювентус» - 186 млн. евро
6. «Милан» - 183 млн. евро
7. «Манчестер Сити» - 177 млн. евро
8. «Астон Вилла» - 174 млн. евро
9. «Боруссия» Д. - 173 млн. евро
10. «Тоттенхэм» - 170 млн. евро
7-факт. Асосий маблағ кучли 5та лига ичида айланади. Ҳа, таҳлил учун олинган даврда трансферларга кетган маблағнинг катта қисми (66 фоизи) Европанинг кучли 5та чемпионати клублари орасида айланган.
2010-2019 йиллар оралиғида амалга оширилган трансферлар суммаси тақсимоти
34,8 фоиз - шунча пул кучли 5та лига клубларига насиб этган
31,2 фоиз - шунча пул харидор клуб ўйнайдиган чемпионат вакилларига насиб этган
18,4 фоиз - шунча пул кучли 5та чемпионат ташқарисидаги Европа клубига насиб этган
8,1 фоиз - шунча пул харидор клуб ўйнайдиган мамлакатнинг қуйи дивизионлари вакилларига насиб этган
6,1 фоиз - шунча пул Европа ташқарисидаги клубларга насиб этган
1,4 фоиз - шунча пул Англия|Испания|Италия|Германия|Франция чемпионатлари қуйи дивизионлари вакилларига насиб этган
А.АҲМЕДОВ тайёрлади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20