«Рома» клуби трансферлар воситасида йўқолган болаларни топиш ишларига кўмаклашмоқда. Римликлар ҳозирга қадар бедарак кетган 4 нафар болани топишди. Очиқроқ айтганда, «Рома» раҳбарияти ёзги трансферларини ноодатий тарзда эълон қилишга одатланди. Дейлик, клуб Крис Смоллингнинг сафга қўшилгани ҳақидаги видеолавҳада дунёнинг турли бурчакларида йўқолган 12 нафар бола суратини ҳам кўрсатди. Бунинг самараси ўлароқ, кениялик 8 ёшли қизалоқ топилди. Бундан олдин эса айнан кениялик 13 ёшли болакай оиласига қайтганди.
Ҳа, «Рома» йўлга қўйган акция натижа бермоқда. Рим жамоасининг ушбу хайрли иши таҳсинга сазовор, албатта. Барчаси июль ойида бошланди. Ўшанда «Рома» раҳбарияти йўқолган ва ўғирланган болалар қидируви билан шуғулланувчи халқаро марказ билан ҳамкорлик шартномаси тузди. Футбол клубининг асосий вазифаси - йўқолган болалар ҳақида эълон бериш. Ҳар ҳолда, «Рома»га боғлиқ ҳар қандай хабарни кўпчилик кузатади. Демакки, янгиликка қўшилган эълонни ҳамма жойда ўқишади. Ҳозиргача ушбу акция Италия, АҚШ, Буюк Британия, Кения, Бельгия ва яна 7та мамлакатга йўналтирилди. Муҳими, самара йўқ эмас. «Рома» билан йўлга қўйилган ҳамкорлик натижасида йўқолган болаларнинг яқинлари ва оилаларига катта умид бағишладик. Албатта, ўз ўтишларига бағишланган видеолавҳага йўқолган болалар ҳақидаги эълонни қўшиш ғоясини қўллаб-қувватлаган футболчилардан бағоят хурсандмиз», - дейди марказ директори Марьяна Муниендо.
Умуман, Смоллинг харидидан ташқари, Мерт Цетин, Генрих Мхитарян ва Давиде Заппакоста трансферида ҳам ушбу ажойиб ғоя ишга солинган эди. Шу тариқа лондонлик 15 ёшли қиз ва бельгиялик 9 ёшли бола топилди. Бунда синаб кўрилган алоҳида тизимга амал қилинади. Яъни, аввалига қайсидир футболчининг трансфери ҳақидаги видеолавҳа орасида йўқолган болалар сурати берилади. Агар кимдир қидирув эълонига муносабат билдирса, яъни хабар жўнатса, марказ вакиллари унинг изига тушишади. Якунда видеолавҳа қайта ишланади. Қисқаси, қидирув эълони кесиб ташланади ва топилган бола хавфсиз жойда эканлиги ҳақида хабар берилади.
Ж.Бобохонов тайёрлади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20