Англияда - АПЛ, Германияда - Бундеслига, Италияда - «А» серия. Ушбу рўйхатда фақат Испания чемпионати ажралиб туради - мазкур биринчиликни икки хил ном билан аташга кўникканмиз: Примера ва Ла Лига.
«Примера» варианти қандай пайдо бўлган?
Лиганинг тўлиқ номи - Примера Дивисьон, испанчадан таржима қилганда, «Биринчи дивизион». Испания футболи тизимидаги қолган лигалар ҳам худди шу принцип бўйича шаклланади: Сегунда - «Иккинчи», Терсера - «Учинчи»...
Примера - азалдан Испания футболи биринчи дивизионининг номи бўлган. Олий лига 1928-1929 йиллар мавсумидан буён худди шундай атаб келинади. Ўшанда Испанияда биринчи расмий чемпионат ўтказилганди.
«Ла Лига» варианти қандай пайдо бўлган?
Ушбу ном 1984-1985 йиллар мавсумида, Испания қироллик футбол федерацияси биринчи ва иккинчи дивизиондаги чемпионат ташкилотчилигини бошқа юридик шахсга топширганидан сўнг пайдо бўлган. Бунинг учун янги ташкилот тузилди: Liga de Futbol Profesional (Профессионал футбол лигаси) ёки қисқача айтганда - «Ла Лига».
Шундан буён олий дивизионнинг тўлиқ номи Liga Nacional de Futbol Profesional de Primera Divisiуn бўлиб келмоқда. Атаманинг дастлабки қисмини одатда қисқартирилган ҳолда «Ла Лига» деб аташади, иккинчисини эса - «Примера» дейишади.
Шунингдек, тижорий ном ҳам бор: 10 йил аввал Испания чемпионати LaLiga BBVA деб номланарди, ҳозир эса LaLiga Santander деб аталади. Santander - Испаниядаги йирик банклардан бири бўлиб, чемпионатдаги ном ҳуқуқини сотиб олган.
Қайси атамани қўллаган маъқул?
Расмий ҳужжатлар учун кўпроқ қуйидаги вариантлар мос тушади: LaLiga Santander (маъноси - олий лига), Liga Nacional de Futbol (маъноси - Примера ва Сегундани ўтказадиган ташкилот) ҳамда Liga Nacional de Futbol Profesional de Primera Divisiуn (маъноси - олий лига). Айнан шундай вариантни, мисол учун, Испания чемпионати расмий сайти қўллайди.
Дейлик, Россиядагилар асосан «Примера» атамасини қўллашади (Google қидирув тизимида 8 миллиард фойдаланувчи худди шу ном билан маълумот излаган бўлса, 19 миллион киши бошқа вариантни қўллаган).
Биринчидан, у ҳамон турнирнинг тўлиқ номини англатади, демакки, эскирмаган.
Иккинчидан, шу тариқа биринчи лигани иккинчисидан ажратиш анча осонроқ. Солиштириб кўринг: Примера ва Сегунда ёки ЛаЛига Сантандер ва ЛаЛига Смартбанк.
Учинчидан, «Примера» атамасини бошқа мамлакатлар лигаси билан адаштириб юборилмайди (ҳар ҳолда, Европада). «Ла Лига» эса қайсидир маънода Франциянинг «Лига 1» чемпионатига ўхшаш.
Испаниядаги футболга ихтисослашган йирик нашрлар, жумладан, Marca ва AS кўпинча расмий ном - LaLiga Santander вариантига мурожаат этишади. Ушбу нашрларнинг сайтидаги барча жадвал ва категорияларда ҳам турнир шундай номланади. Россия ОАВда фикрлар турлича: Sports.ru ва «Спорт-Экспресс» Ла Лига тарафдорилар, «Чемпионат» ва «Бомбардир» - Примерани маъқул кўришади, «Евроспорт» ҳамда «Матч ТВ» эса, умуман, «Испания чемпионати» вариантини танлашган.
А.Аҳмедов тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20