Эронда деярли 40 йиллик тақиқдан кейин аёлларнинг стадионга киришларига рухсат берилди ва мамлакат миллий жамоаси бу воқеа шарафига заифгина рақиб дарвозасига жавобсиз 14та гол урди! Форслар бечора Камбоджа термаси дарвозасини ҳар икки бўлимда 7 мартадан ишғол қилишди. Жумладан, жамоа етакчиси Сардор Азмун «хет-трик»ка эришган бўлса, Карим Ансарифард «покер» муаллифига айланди. Энг қизиғи, Ансарифард бунга қадар Эрон миллий жамоасининг охирги 1,5 йил давомидаги 15та ўйинида атиги 3та гол урганди.
*** Ҳисоб даҳшатли, бироқ Эрон ва Камбоджа термалари ўртасидаги фарқ чиндан ҳам, жуда катта. ФИФА рейтингига қарасак, форслар 23-ўринда боришмоқда, камбоджаликлар эса атиги 169-қаторда. Қолаверса, Эрон миллий жамоаси ўз тарихида ЖЧ финал раундида 5 марта қатнашган, Камбоджа термаси эса ҳеч қачон мундиалга яқинлашмаган ҳам.
*** Камбоджа терма жамоасини франциялик Феликс Далма ва барчага таниш япон Кейсуке Хонда жуфтлиги бошқармоқда.
*** 0:14 - бу Камбоджа футболи тарихида миллий жамоанинг энг йирик ҳисобли мағлубияти.
*** Ўйиндан олдин ФИФА Теҳронга ўз делегациясини юборганди. Франция терма жамоаси собиқ ҳужумчиси Юри Жоркаефф бошчилигидаги гуруҳ аёлларнинг машҳур «Озоди» стадионига ҳеч қандай муаммосиз киришларини назорат қилиб турди.
*** Сардор Азмуннинг Эрон терма жамоаси либосида урган голлари сони 32тага етди. «Зенит» ҳужумчиси бунинг учун 48 марта майдонга тушди.
*** Эронда 1981 йили аёлларнинг спорт мусобақалари пайти стадионга киришлари қонун билан тақиқлаб қўйилганди.
*** Аёлларга ажратилган 3500 дона чипта атиги 1 соатда ўз соҳибаларини топди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20