«Челси» клуби ва Англия миллий жамоаси ҳужумчиси Тэмми Абрахам Евро-2020 саралаши доирасида Болгария термасига қарши кечган жанжалли ўйин воқеаларига тўхталиб, ирқчиларга ўзига хос тарзда жавоб берди. Эслатиш ўринли, Софияда бўлиб ўтган учрашувда инглизлар 6:0 ҳисобида ғалаба қозонишган, бироқ мезбон жамоа мухлисларининг ирқчиликка йўғрилган хатти-ҳаракатлари туфайли ўйинда 2 марта узилиш юзага келганди. Бош ҳакам ҳаттоки, танаффусга чиқиш арафасида футболчиларни майдондан олиб чиқиб кетмоқчи бўлди, фақат инглизлар ўйинни давом эттиришни маъқул кўришганидан кейин у фикридан қайтди. «Болгарияда чиндан ҳам, ўта нохуш ҳолатга тушдик - бунга чидаш қийин. Ҳамма ирқчилик балосидан қутулиш чораларини кўрмоқда, Sky Sports нуқул шу ҳақда бонг урмоқда. Ҳар қадамда «Ирқчиликка ўрин йўқ» ёзувини ўқияпмиз. Бизни қўллаб-қувватлашаётгани яхши, албатта. Ўз навбатида, спортчилар ҳар қандай вазиятда профессионалликни сақлаб қолишлари, олға боришда давом этишлари керак. Бизнинг ўрнимизга футбол гапирсин. Софияда кўнгилсиз ҳолатга муносиб қаршилик қила олганимиздан хурсандманми? Ҳа, маълум даражада. Қаранг, ҳозир кўпчилик жамоамиз ўйинини эътироф этяпти. Бу нимадан далолат? Ўрнимизга футбол гапираётганидан! Демак, ирқчилар ўзларини телбалардек ҳис қилаверсинлар», — деди Абрахам «Челси» матбуот хизмати вакиллари билан суҳбатда.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20