Криштиану Роналду «Инстаграм» воситасида мисли кўрилмаган даражада кўп пул топмоқда. Унинг бу йўналишдаги даромадига ҳаттоки, Лионель Месси, Дэвид Бекхэм ва Неймар ҳам ҳавас билан қарашса керак. Buzz Bingo нашри яқинда юлдузларнинг «Инстаграм» тармоғида қанча топишаётгани мавзусида «тафтиш» олиб борди ва якунда охирги 12 ойлик натижаларни эълон қилди.
Демак, натижаларга келсак, Криштиану «Инстаграм» тармоғидаги саҳифаси воситасида ҳаммадан кўп топмоқда. У бу масалада таъқибчиларидан анча олдинда. Бинобарин, Кришнинг саҳифаси жуда зўр. Хуллас, аввало, сифатли саҳифа туфайли Роналду улуши тобора ошмоқда. «Ювентус» етакчиси охирги 12 ой ичида 49та реклама постини эълон қилди. Таққослаш учун айтсак, Месси 36та реклама ёзуви билан чекланди. Лекин бу ерда битта асосий фарқ шуки, аргентиналик юлдуз баъзан ўз бренди маҳсулотлари (кийим-кечаклар)ни реклама қилади. Криштианунинг саҳифасида эса футболчига тегишли маҳсулотлар рекламаси умуман йўқ.
Роналду муваффақиятининг яна бир сири - реклама пости нархи. Жаҳондаги ҳеч бир спортчининг «Инстаграм»даги саҳифаси реклама майдонининг баҳоси Роналдуникичалик қиммат эмас. Португалиялик юлдуз «Ювентус»да йилига 30 миллион евро миқдорида маош олади. Энг эътиборли далил: унинг «Инстаграм» реклама майдони орқали олган улуши 44 миллион евродан ошиб кетди. Энди Роналдунинг йиллик умумий даромади қанча эканлигини бир ҳисоблаб кўринг. Бунда бир неча бандни инобатга олинг:
А). «Юве» билан шартномаси улуши
В). Ижтимоий тармоқлар реклама майдони улуши
С). Бошқа реклама шартномалари улуши
Умумий сумма бемалол 100 миллион еврога етса керак. Йилига шунча!
Охирги бир йил давомида «Инстаграм» орқали энг кўп пул топган юлдузлар
1. Криштиану Роналду (футболчи) - 44,1 миллион евро
2. Лионель Месси (футболчи) - 22,1 миллион евро
3. Кендалл Женнер (супермодель) - 14,4 миллион евро
4. Дэвид Бекхэм (собиқ футболчи) - 10 миллион евродан кўпроқ
5. Селена Гомес (хонанда) - 8,1 миллион евро
6. Неймар (футболчи) - 5,8 миллион евро
7. Златан Ибрагимович (футболчи) - 3,2 миллион евро
8. Кайли Женнер (супермодель) - 3 миллион евро
9. Роналдиньо (собиқ футболчи) - 2 миллион евро
10. Хлое Кардашьян (телобошловчи) - 975 минг евро
***
700та гол хроникаси
*** Роналдунинг 700та гол уриши учун 973та учрашув керак бўлди. Ўртача ҳисобда 1та ўйин учун 0,72та гол!
*** Роналду голларидан катта қисмини «Реал» учун урди - 450та. У шунингдек, «МЮ»да 118 марта, Португалия миллий жамоасида 95 марта, «Ювентус»да 32 марта ва «Спортинг»да 5 марта гол қувончини туйди.
*** Роналдунинг гол хирмонида 3та турнир улуши катта: Ла-Лигада - 311та, ЧЛда - 127та ва АПЛда - 84та.
*** Роналду айниқса, «Севилья» (27та гол), «Атлетико» (25та гол) ва «Хетафе» (23та гол) клубларини кўп ранжитди. «Барселона» унинг учун 5-рақамли қулай рақиб - 18та гол.
*** Роналду нақ 444та голини ўнг оёғида урган. Чап оёғи ва бошининг улуши деярли тенг - тегишлича 126 ва 128та гол. Криш яна 2та самарали ҳаракатнинг гавдасининг бошқа қисмлари ёрдамида амалга оширган.
*** Роналду биринчи голини 2002 йилнинг октябрь ойида нишонлаган. Ўшанда 17 ёшли Криш «Спортинг»нинг «Морейренше» устидан ғалаба қозонишига ёрдам берганди.
*** Роналду футбол тарихида 700та гол маррасига етган 6-тўпурардир. Эндиликда у Пеле, Ромарио, Йозеф Бицан, Герд Мюллер ва Ференц Пушкаш қаторига қўшилди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20