Хабарингиз бор, Ла Лиганинг 12-тури доирасида 2 ноябрь, шанба куни яна 2 та учрашув бўлиб ўтди... Зинедин Зидан бошлиқ Мадриднинг бошқа бир клуби «Реал» «Сантьяго Бернабеу»да «Бетис»ни қабул қилди. Учрашувда дарвозалар дахлсизлиги сақланиб қолинди ва баҳс 0:0 ҳисобида якунланди.  Ўтган мавсумда қироллик клуби ўз майдонида “Бетис”га (0:2) имкониятни бой берган бўлса, 2017/18 йилги мавсумда ҳам “Бетис” дарвозасини ишғол эта олмаганди -0:1. Шу тариқа “Бетис” Ла Лига тарихида илк марта “Сантьяго Бернабеу”да қаторасига уч мавсумдан буён гол ўтказмаётган ягона клубга айланди.

Қайд этиш жоиз, «Реал» 22 очко йиғиб мусобақа жадвалида 2-ўринни банд қилиб турибди. «Бетис» эса 13 очко тўплаб 14-поғонадан жой олди.

Турнинг марказий учрашувида Диего Симеоне қўл остидаги Мадриднинг «Атлетико» клуби сафарда Хулен Лопетеги бошқарувидаги «Севилья» жамоасига қарши майдонга тушди. Ўйиннинг 28-дақиқасида мезбон жамоа ярим ҳимоячиси Франко Васкес ҳисобни очган бўлса, 60-дақиқага келиб «матрасчилар» ҳужумчиси Альваро Мората Сантьяго Арьяс узатмасини голга айлантирди. Шу тариқа ўйин 1:1 ҳисобидаги дуранг натижа билан якунланди ва жамоалар 1 очкодан бўлишиб олди.

Ла Лига

12-тур баҳслари

2 ноябрь, шанба

«Севилья»—«Атлетико» 1:1

Голлар: 1:0 — 28 Васкес, 1:1 — 60 Мората

«Реал»—«Бетис» 0:0

"Реал": Куртуа, Варан, Рамос, Карвахаль, Менди, Кроос, Модрич, Азар, Каземиро, Родриго, Бензема.

"Бетис": Роблес, Бартра, Эмерсон, Феддаль, Морено, Фекир, Гуардадо, Сидней, Каналес, Манди, Морон.