Камтарин «Астон Вилла» пешқадам - «Ливерпул»нинг жорий чемпионат ҳисобидан илк мағлубиятига имзо чекишга жуда яқин келди, аммо якунда ҳаттоки, дурангдан ҳам мосуво бўлди. Бундай ҳолатда камтарин жамоага ачинмаслик мумкинми? Шунинг баробарида Юрген Клопп дружинасини олқишламасликнинг иложи ҳам йўқ. «Манчестер Сити» ҳам иродали ғалабани тантана қилди, фақат соддароқ тарзда. Турнинг энг кўнгилсиз ҳолати «Тоттенхэм» вакили Сон Хюн Мин, «Эвертон» аъзолари - Серж Орье ва Андре Гомеш билан содир бўлди. Тўқнашув оқибатида португалиялик даҳшатли жароҳатга йўлиқди ва кореялик футболчи «шок» ҳолатида чинакамига йиғлади, қўшимчасига қизил карточка ҳам олди. 

***  «МЮ» АПЛнинг дастлабки 11та турида 13 очко тўплади - бу жамоанинг охирги 33 йилдаги энг паст кўрсаткичи. Манчестерликлар мавсум-1986|1987нинг илк 11та учрашувида 11 очко олиш билан кифояланишган ва якунда 11-ўринни банд этишганди. Умуман олганда, «МЮ» ички биринчилик доирасидаги охирги 6та ўйинда атиги 1та ғалаба қайд этди.

***  «МЮ» АПЛ доирасидаги кетма-кет 11та сафар ўйинида гол қўйиб юбориб, ўз антирекордини такрорлади. Манкунианликлар мавсум-2002|2003да ҳам шундай омадсизликка йўлиқишганди.

***  «Арсенал» ҳужумчиси Пьер-Эмерик Обамеянг жорий мавсум жамоани сардор сифатида майдонга бошлаб тушган 5-футболчи бўлди (Эктор Бельерин, Начо Монреаль, Месут Озил ва Гранит Жакадан кейин).

***  Фрэнк Лэмпард «Челси» тарихида қаторасига 7та сафар ўйинида ғалабани таъминлаган (барча турнирлар доирасида) иккинчи бош мураббийдир. «Аристократлар» 1989 йилнинг февраль - апрель оралиғида Бобби Кэмпбелл бошқарувида худди шундай натижа қайд этишганди.

***  «Лестер» 11та турда 23 очко тўплади. Таққослаш учун айтсак, «тулкилар» мавсум-2015|2016нинг илк 11та ўйинида бундан 1 очко кам жамғариб, якунда чемпионликни тантана қилишганди.

***  «Эвертон» ҳужумчиси Женк Тосун «Тоттенхэм» билан ўйиннинг 97-дақиқасида ҳисобни тенглаштириб, АПЛда 2017 йилнинг январидан кейин энг кеч урилган гол муаллифига айланди. Ўшанда Алексис Санчес «Арсенал» учун 98-дақиқада гол урганди.

***  «Ливерпуль» АПЛда 90-дақиқадан кейин 35-марта ғалаба голини нишонлади. Бу энг юқори кўрсаткичдир.

***  «Ливерпуль» ҳимоячиси Трент Александер-Арнольд клуб сафида 100-марта майдонга тушди. Шу тариқа у «қизиллар» тарихида ушбу маррага етган 4-ёш футболчи бўлди (21 ёшу 26 кунлик). Бу борадаги рекорд Майкл Оуэнга тегишли - у 100-ўйинини 19 ёшу 363 кунлигида нишонлаган.

2 ноябрь

БОРНМУТ - МЮ - 1:0 (1:0)

Борнмут. 10669 томошабин.

Гол: Кинг (45).

Борнмут: Рэмсдейл, Смит, Кук, Аке, Рико, Харри Уилсон (Кук, 86), Лерма, Биллинг, Фрэйзер, Каллум Уилсон, Кинг.

МЮ: де Хеа, Ван-Биссака (Уильямс, 81), Линделёф, Магуайр, Янг, Мактомини, Фред, Жеймс (Гринвуд, 80), Перейра (Лингард, 68), Рэшфорд, Мартиаль.

АРСЕНАЛ - ВУЛВЕРХЭМПТОН - 1:1 (1:0)

Лондон. 60383 томошабин.

Голлар: Обамеянг (21) - Хименес (77).

Арсенал: Лено, Папастатопулос, Давид Луиз, Чемберс, Тирни (Колашинац, 87), Озил, Себальос, Торрейра (Сака, 73), Гендузи, Лаказетт (Мартинелли, 60), Обамеянг.

Вулверхэмптон: Руи Патрисиу, Доэрти (Рубен Винагре, 71), Коуди, Кастро, Моутинью, Саисс, Дендонкер, Траоре, Рубен Невеш, Хименес, Диогу Жота (Нету, 90).

АСТОН ВИЛЛА - ЛИВЕРПУЛЬ - 1:2 (1:0)

Бирмингем. 41878 томошабин.

Голлар: Трезеге (21) -

Робертсон (87), Мане (90}5).

Ливерпуль: Алиссон, Ловрен, ван Дейк, Робертсон, Александер-Арнольд, Лаллана (Кейта, 84), Вейналдум (Ориги, 65), Хендерсон, Мане, Фирмино, Салоҳ (Окслейд-Чемберлен, 65).

БРАЙТОН - НОРВИЧ - 2:0 (0:0)

Брайтон. 30539 томошабин.

Голлар: Троссард (69), Даффи (84).

МАНЧЕСТЕР СИТИ - САУТГЕМПТОН - 2:1 (0:1)

Манчестер. 53922 томошабин.

Голлар: Агуэро (70), Уокер (87) - Уорд-Проуз (13).

Манчестер Сити: Эдерсон, Уокер, Стоунз, Анхелиньо, Давид Сильва (Габриэль Жезус, 46), Фернандиньо, Гюндоган, де Брюйне, Стерлинг, Бернарду Сильва (Фоден, 84), Агуэро (Отаменди, 90).

ШЕФФИЛД ЮНАЙТЕД - БЕРНЛИ - 3:0 (3:0)

Шеффилд. 31131 томошабин.

Голлар: Лундстрэм (17, 43), Флек (44).

ВЕСТ ХЭМ - НЬЮКАСЛ - 2:3 (0:2)

Лондон. 59907 томошабин.

Голлар: Бальбуэна (73),

Снодграсс (90}1) - Кларк (16), Фернандес (22), Шелви (51).

УОТФОРД - ЧЕЛСИ - 1:2 (0:1)

Уотфорд. 21011 томошабин.

Голлар: Деулофеу (79-пен.) - Абрахам (5), Пулишич (55).

Челси: Аррисабалага, Аспиликуэта, Зума, Томори, Эмерсон, Жоржиньо, Ковачич, Виллиан (Жеймс, 90), Маунт, Пулишич (Хадсон-Одои, 83), Абрахам (Батшуайи, 88).

3 ноябрь

КРИСТАЛ ПЭЛАС - ЛЕСТЕР - 0:2 (0:0)

Лондон. 25480 томошабин.

Голлар: Сеюнжю (57), Варди (89).

Лестер: Шмейхель, Рикарду Перейра, Чилуэлл, Сеюнжю, Эванс, Н~Диди, Барнс (Морган, 85), Мэддисон (Прат, 90), Тилеманс, Перес (Грэй, 74), Варди.

Эвертон - Тоттенхэм - 1:1 (0:0)

Ливерпуль. 38000 томошабин.

Голлар: Тосун (90}8) - Алли (63).

Эвертон:  Пикфорд, Динь, Мина, Холгейт, Сидибе, Делф, Ивоби, Уолкотт (Тосун, 68), Дэвис (Калверт-Левин, 83), Ришарлисон, Андре Гомеш (Сигурдссон, 84).

Тоттенхэм: Гассанига, Алдервейрелд, Орье (Фойт, 88), Дэвис, Санчес, Эриксен (Сессеньон, 90), Алли, Лукас Моура, Сиссоко, Сон Хюн Мин, Ндомбеле (Ло Чельсо, 73).

Четлатиш: Сон Хюн Мин (79, Т.).

Юрген Клопп («Ливерпуль» бош мураббийи): - Яхшигина вазиятлар яратдик, аммо улардан фойдаланиш иложини тополмадик, айниқса, биринчи бўлимда. Ҳар бир ўйинда ғалаба қозонишга ишонишим қийин, аммо ҳеч қачон умидсизликка тушмайман. Дейлик, бугун ҳисобни тенглаштиргач, беихтиёр ўйладим: «Бунга ҳақли эдик». Биламан, катта зафарларга эришишга қодирмиз, бироқ бундай ўйинларда шунчаки, жангга тайёр туриш керак. Биринчи бўлимдан кейин ниманидир нотўғри бажараётганимизни тушундик ва шунинг учун ўйинга тегишли ўзгартиришлар киритдик.

Хосеп Гвардиола («Манчестер Сити» бош мураббийи): - Рақибнинг барча 11 нафар футболчиси ҳимояланганида, ҳужумда нимадир кўрсатиш қийин. Бугун қўлимиздан келган барча ишларни синаб кўрдик ва бу якунда самара келтирди. Ажойиб «камбэк». Муҳими, қандай хоҳлаган бўлсак, шундай ўйнадик. Ихтиёримда юқори савияли футболчилар тўпланишган, улар жуда тезкорлар. «Саутгемптон»нинг қандай ўйнагани асосий масала эмас, гап бизнинг рақиб таклиф этган қаршиликка муносабатимизда. Шу маромда давом этишимиз керак, бошқа гап йўқ.

Варди (Лестер) - 10та

Агуэро (Манчестер Сити) - 9та

Абрахам (Челси) - 9та...

8 ноябрь (жума)

01:00    Норвич - Уотфорд

9 ноябрь (шанба)

17:30    Челси - Кристал Пэлас

20:00    Бернли - Вест Хэм

20:00    Ньюкасл - Борнмут

20:00    Саутгемптон - Эвертон

20:00    Тоттенхэм -

            Шеффилд Юнайтед

22:30    Лестер - Арсенал

10 ноябрь (якшанба)

19:00    МЮ - Брайтон

19:00    Вулверхэмптон -            Астон Вилла

21:30    Ливерпуль -            Манчестер Сити