«Лос-Анжелес» клуби ҳужумчиси Карлос Вела MLSнинг якунланган мавсуми энг яхши футболчиси сифатида эътироф этилди. Лига расмий сайтида хабар берилишича, мексикалик голеадор махсус сўровда Златан Ибрагимович («Лос-Анжелес Гэлэкси») ва Хосеф Мартинес («Атланта»)ни ортда қолдирди.
Умуман, ОАВ вакиллари, футболчилар ва мураббийлар иштирок этган сўровда кўпчилик айнан 30 ёшли Карлосни ёқ-лади. Аниқроқ айтсак, 69,61 фоиз овоз олган мексикалик фахрий энг яқин таъқибчилари - Ибрагимович (14,11 фоиз) ва Мартинес (6,97 фоиз)га деярли имконият қолдирмади. Шу тариқа Вела MLSнинг энг яхши футболчисига аталган совринни қўлга олган мексикалик биринчи футболчи бўлди. Айтиш жоиз, якунланган мавсум 48та гол билан MLS бош тўпурари бўлган фахрий футболчи АҚШ клуби сафига 2018 йил январда қўшилганди. У бунга қадар Испаниянинг «Саламанка», «Осасуна», «Реал Сосьедад», Англиянинг «Вест Бромвич» ва «Арсенал» клублари шарафини ҳимоя қилган. У шунингдек, 2005 йили Мексика ўсмирлар терма жамоаси сафида жаҳон чемпиони бўлган. Веланинг мамлакат миллий жамоасидаги статистикаси ҳам чакки эмас - 72та ўйин, 19та гол.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20