Ҳакам футболчилардан бири билан селфи тушиш учун ўйинни тўхтатиб турди. Бу қанақаси, нима, табиий ҳолми? Аёл рефери рўпарасида кумирини кўриб, ўзини тўхтатиб туролмади. Ҳаттоки, ўйинни тўхтатиб, уни сариқ карточка билан «сийлади». Ўтган ҳафта Бразилия ва Исроил фахрийлар терма жамоалари хайрия ўйинида ўзаро куч синашди. Хайфа шаҳрида ташкилаштирилган учрашувда бразилияликлар 4:2 ҳисобида ғалаба қозонишди. Шу куни меҳмонлар сафида Роналдиньо, Ривалдо, Роберто Карлос, Кафу ва бошқа афсоналар майдонга тушишди. Жумладан, «Милан ва «Реал»нинг собиқ вакили Какага алоҳида эътибор қаратилди ва энг қизиқарли ҳолат айнан у билан содир бўлди.
Сариқ карточка ва селфи
Учрашувнинг 51-дақиқаси. Ҳисоб 3:2 - Бразилия термаси фойдасига. Аёл рефери Лилах Асулин ана шу паллада ўйинни тўхтатди ва ҳеч қандай сабабсиз Какага сариқ карточка кўрсатди. Табиийки, бразилиялик юлдуз ниманидир тушунгани йўқ, кейин ҳакам чўнтагидан қўл телефонини олиб, собиқ футболчидан эсдалик учун селфи тушишни сўради. Кака эса яна ҳайрон ҳолатда рози бўла қолди. Шу воқеадан кейин Бразилия терма жамоасининг бошқа аъзолари Лилах олдига яқинлашиб, бирма-бир унга қўл узатишди. Ривалдо ҳаттоки, қаҳ-қаҳа отиб кулиб юборди. Энг диққатга сазовор жиҳати, Исроил термаси футболчилари селфи учун ўйин тўхтатилганидан енгил «шок»ка тушишди, гўё.
Дарвоқе, «Олтин тўп»нинг 2007 йилги соҳиби ўйинда эсда қоларли воқеа қаҳрамони бўлишдан ташқари, ўз жамоаси голларидан бирига муаллифлик қилди. Бразилия термаси сафида шунингдек, Бебето, Роналдиньо ва Марсио Аморосо рақиб дарвозасини нишонга олишди.
Яқин ўтмиш воқелиги
Бу аёл реферига боғлиқ биринчи ғалати ҳодиса эмас. Дейлик, жорий йил олдинроқ бразилиялик ҳакам Фернанда Коломбо «Барселона» (Эквадор) клуби вакили Дамиан Диасни чув туширганди. У қўққисдан футболчини ўз ёнига чорлаб, қўлини орқа чўнтаги томон бурди. Шунда ҳамма, жумладан, Диас ҳам Коломбо сариқ карточка кўрсатишини ўйлади. Лекин бундай бўлгани йўқ. Фернанда чўнтагидан оқ рўмолча чиқариб, футболчининг пешонасидан оқаётган терни оҳиста артиб қўйди. Асосийси, Коломбо хонимнинг енгил кулгуси бошқа футболчиларнинг баралла кулишларига уланиб кетди. Айтганча, Фернанда Коломбо фақат рефери эмас, у яна спорт журналисти, телебошловчи ва шарҳловчи ҳам.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20