Қайднома

Қидирув

Фаластин бош мураббийи: «Ўзбекистон жамоавий ўйин эвазига ғолиб бўлди»

Фаластин бош мураббийи: «Ўзбекистон жамоавий ўйин эвазига ғолиб бўлди»

  19.11.2019 20:02
  0
  167
Фаластин бош мураббийи: «Ўзбекистон жамоавий ўйин эвазига ғолиб бўлди»

ЖЧ-2022 саралаши доирасидаги Ўзбекистон - Фаластин учрашувидан кейинги матбуот анжуманида меҳмонлар устози Нуриддин Оул Али иштирок этди.

"Биринчи навбатда Ўзбекистон терма жамоасини ғалаба билан табриклайман. Рақиб жамоавий ўйин эвазига ғолиб бўлди. Бизда кўплаб футболчилар жароҳат олишган ва уларнинг ўрнида ҳаракат қилган ўйинчилар ўз даражаларида ўйнай олишмади", - деди бош мураббий.

- Фаластин терма жамоаси бугун ўз даражасидан паст ўйнадими ёки Ўзбекистон биринчи турдаги ўйинга қараганда ўсишга эришганми?

- 1-турда ўйнаган баъзи етакчилар ўйнай олишмади. Ўшаларнинг ўрни билинди.

- Сўнгги 10 дақиқада Фаластин ҳужумкорликни оширди. Бу тактика эдими ёки Ўзбекистон пассив ўйнади деб ўйлайсизми?

- Охирги 10 дақиқада мезбонлар 2:0 ҳисобида олдинда эди ва табиийки ҳужумга ўтишимиз керак эди. Бундан ташқари ярим ҳимоячи ўрнига ҳужумчини туширдик. Бундан ташқари Ўзбекистон ҳам ўйин темпини туширишга уринди.

- Ўзбекистон ва Саудия Арабистони билан ўйнадинглар. Бу жамоалар ўртасидаги фарқни айта оласизми?

- Иккиси ҳам турли услубдаги жамоалар. Ўзбекистон асосан қанотлардан ўйнайди ва ҳужумчига тўп етказиб берилади. Саудия Арабистони эса марказдан ўйнайди ва қисқа пасларга асосланган.

- Жамоа бугун мағлуб бўлиб кейинги босқчига чиқиш имкониятини деярли йўқотди. Бу футболчиларга руҳий томонлама таъсир қилмайдими?

- Муваффақиятнинг асосий сабаби қаттиқ меҳнат. Кейинги ўйинларда бунга амал қиламиз.


Манба: www.championat.asia


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »
  • Вадим Абрамов миллий терма жамоамизни ЖЧ-2022 олиб чиқишига ишонасизми?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz