Клуб футболида гол уришдан озгина тин олган Криштиану Роналду бу бўшлиқни терма жамоа ўйинида тўлдирди ва буюк рекорд сари яна бир катта қадам ташлади. «Ювентус» етакчиси Евро-2020 саралашидан ўрин олган Литва термасига қарши кечган баҳсда Португалия миллий жамоаси учун урган голлари сонини 98тага етказди. Фаолияти давомида 55-«хет-трик»Ғ«покер»Ғ«флэш»ни расмийлаштирган Португалия футболи рамзи шу тариқа жаҳон миллий жамоалари тўпурарлари рўйхатида афсонавий Герд Мюллердан ўзиб кетди.

 55-«хет-трик»/«покер»

Португалиялик голеадор миллий жамоаси ўйинида 9-марта «хет-трик»Ғ»покер» қайд этди. Эътиборлиси, Криш Евро-2020 саралашининг ўзида Литва термасига нақ 7та гол «тортиқ» этди. У ЖЧ саралашидаги 4та ва Европа чемпионати йўлидаги 3та учрашувда 3та ёки кўпроқ гол урган. Яна 2та «хет-трик»ни эса Европа Миллатлар лигаси ҳамда ЖЧ финал раундида расмийлаштирди.

Криштиану Роналдунинг Португалия термаси сафидаги «хет-трик»/«покер»лари

Супертўпурарлар пойгаси

Криштиану Роналду Европада миллий жамоа сафида «хет-трик»Ғ»покер»Ғ«флэш» қайд этиш борасида швециялик афсонавий ҳужумчи Свен Рюделль билан тенглашди. У 1923-1932 йилларда айнан 9та ўйинда 3та ёки кўпроқ гол урганди. Қолаверса, португалиялик юлдуз бу борада даниялик Поуль Нильсен ва германиялик Герд Мюллердан ўзиб кетди. Фаолияти давом этаётган футболчилар орасида супертўпурарлар пойгасида Кришдан ташқари, фақат поляк Роберт Левандовски қатнашмоқда.

 Европа миллий жамоалари сафида энг кўп «хет-трик»Ғ«покер»Ғ«флэш» қайд этган футболчилар

Рекорд сари қадам

Асосийси Криштиану Роналду пайшанба куни Португалия термаси сафидаги голлари сонини 98тага етказди. Шанба оқшоми эса футбол тарихида халқаро ўйинлар ҳисобидан 100та гол маррасини забт этган 2-футболчига айланди. Криш Люксембургда .... У айни пайт барча замонларнинг мутлақ рекордчиси Али Даи (Эрон)дан атиги 11та голга ортда қолмоқда. Диққатга сазовор факт: Роналду 2019 йилнинг кузида терма жамоаси учун 10та гол урди.

 Жаҳон миллий жамоалари сафида энг кўп гол урган футболчилар

Европада мутлақ етакчи

Криштиану Европа миллий жамоалари тўпурарлари рўйхатида ўтган асрнинг ўрталарида Венгрия термаси сафида беармон гол уришган афсонавий Ференц Пушкаш ва Шандор Кочиш билан ўртадаги фарқни янада оширди. Польшалик Роберт Левандовски ушбу рўйхатнинг 8-поғонасида, босниялик Эдин Жеко эса Венгрия футболининг яна бир вакили Имре Шлоссер-Лакатош билан 10-ўринни бўлишиб турибди.

 Европа миллий жамоаларининг энг яхши тўпурарлари

Все 98 голов Роналду за сборную – в одной картинке

• Криштиану Роналду жами 41та мамлакат миллий жамоаси дарвозасини ишғол қилган. Шундан 30таси УЕФА (Европа), 4таси АФК (Африка), 3таси ОФК (Осиё), 2ТАСИ конбемол (Жанубий Америка), 1таси КОНКАКАФ (Шимолий ва Марказий Америка) аъзолари

• Криштиану Роналду учун халқаро миқёсдаги энг самарали мавсум - бу 2016 йил. У ўша йили Португалия миллий жамоаси сафида 13та гол урганди. 

Уткир УМАРОВ тайёрлади.