Юрген Клопп кўчасида байрам. Унинг клуби - «Ливерпуль» АПЛ 12-турида «Манчестер Сити»ни 3:1 ҳисобида енгиб, пешқадамлик мавқеини янада мустаҳкамлади. Қолаверса, «қизиллар» асосий рақиблари - «шаҳарликлар»ни бирданига 4-ўринга суриб юборишди. Тўғриси, «Энфилд»ни яйратган ушбу ўйиндан кейин юзага келган статистик фактларга бирданига ишониш бироз қийинроқ...
*** «Ливерпуль» Фабиньо бошланғич таркибга киритилган АПЛ доирасидаги бирор ўйинда ютқазган эмас. Мана, бразилиялик футболчи охирги учрашувда ҳам бетакрор гол уриб, «қизиллар»нинг яна ғалаба қозонишларига катта ҳисса қўшди.
*** Фабиньо ҳақли равишда ўйиннинг энг яхши футболчиси сифатида тан олинди. Унинг статистик кўрсаткичлари шунчаки, қоғозни «ёндириб» юборади: 36та узатма (30таси аниқ), 2та зарба (1таси аниқ). Умуман олганда, Фабиньо «Ливерпуль» либосида энди 2-голини нишонлади. Биринчисини эса 2018 йилнинг декабрида урганди.
*** «Ливерпуль» АПЛнинг дастлабки 12та турида 11та ўйинни ўз фойдасига ҳал қилди ва турнир жадвалида энг яқин таъқибчисидан 8 очко олдинда бормоқда. Англия Премьер-лигаси тарихида етакчи жамоа 12-турдан кейин атиги бир марта бундан каттароқ устунликка эга бўлган: мавсум-1993|1994да «МЮ» 2-ўриндаги клубдан 9 очкога ўзиб кетган ва якунда чемпионликни тантана қилганди.
*** «Манчестер Сити» 12та турда атиги 25 очко олди - бу Хосеп Гвардиола учун Англия футболидаги фаолияти давомида кузатилган энг паст кўрсаткичдир.
*** Қизиқарли ҳолат: «Ливерпуль» 2014 йилдан буён илк марта қаторасига 9та ўйинда гол қўйиб юборди. Ўшанда жамоани «Лестер»нинг амалдаги бош мураббийи Брендан Рожерс бошқарган эди.
*** Хосеп Гвардиола бошқарувидаги «Манчестер Сити»нинг АПЛда 1та ўйинда 3та гол қўйиб юбориши бундан олдин охирги марта 2018 йилнинг январида қайд этилганди. Энг эътиборли томони, ўшанда ҳам «шаҳарликлар»ни айнан «Ливерпуль» жазолаганди, яна «Энфилд»да.
*** «Манчестер Сити» сафига 2015 йили қўшилган Раҳим Стерлинг ҳозирга қадар «Ливерпул»га қарши ўйинларда на гол урди ва на самарали узатма муаллифига айланди.
*** Серхио Агуэронинг «Энфилд»даги ўйинларга боғлиқ голсиз серияси 782 дақиқага етди.
*** Атиги 2та жамоа Хосеп Гвардиола даврида «Манчестер Сити» дарвозасига 15 дақиқа ичида 3та гол уришни уддалаган - «Ливерпуль» (2019 йил) ва «Лестер» (2016 йил).
*** Юрген Клопп ва Хосеп Гвардиола мураббийлик фаолиятлари давомида 19-марта ўзаро тўқнаш келишди. Ҳозирда устунлик «Ливерпуль» устози томонида - 10та ғалаба, 2та дуранг ва 7та мағлубият. Айтганча, ҳар икки мураббий ҳисобидаги 1тадан ғалаба пенальтилар сериясида қўлга киритилган.
*** Хосеп Гвардиоланинг ноқулай рақиблари рўйхатида Юрген Клоппдан кейин Жозе Моуриньо бор. Португалиялик мутахассис испаниялик ҳамкасбидан 5 марта устун келган, лекин шунинг баробарида 6та ўйинда дуранг ва 11тасида мағлубият қайд этган. Арсен Венгер эса Гвардиола жамоасини 3 марта енгиш уддасидан чиққан ҳолда, 10та ўзаро ўйинда мағлубиятни тан олган. Маурисио Почеттино ҳисобида ҳам 3та ғалаба бор, мағлубиятлари сони эса 8та.
Юрген Клопп қўл остидаги «Ливерпул»нинг «Энфилд»да «Манчестер Сити»га Қарши ўтказган барча ўйинлари
2016 йил Liverpool 3-0 ManchesterCity
2016 йил Liverpool 1-0 ManchesterCity
2018 йил Liverpool 4-3 Manchester City
2018 йил Liverpool 3-0 ManchesterCity
2019 йил Liverpool 3-1 Manchester City
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20