Гонконгда 2 декабрь, душанба куни Осиё футбол конфедерацияси «The AFC Annual Awards 2019» маросимида 2019 йилнинг энг яхшиларини эълон қилди.

Осиёнинг 2019 йилдаги энг яхши ўйинчиси номига Қатар терма жамоаси ва «Ас Садд» клуби вакили Акром Афиф лойиқ кўрилди. Футболчи январда бўлиб ўтган Осиё Кубогида жамоасининг чемпионликка эришишига ёрдам берганди. Ундан ташқари ушбу совринга Али Ризо Бейронванд («Персеполис») ва Томоаки Макино («Урава Ред») каби футболчилар ҳам даъвогар бўлганди.

Фото: ОФК

Халқаро майдонда тўп сурувчи энг яхши осиёлик футболчи соврини Жанубий Корея вакили Сон Ҳён Минга насиб этди. «Тоттенҳэм» ҳужумчиси ушбу соврин учун курашда Сардор Азмун («Зенит») ва Макото Ҳасебе («Айнтрахт») каби футболчиларни ортда қолдирди.

Фото: ОФК

Энг яхши эркак мураббий номига  Чун Жун Йон муносиб деб топилди. Жанубий Корея U-20 устози ёшлар ўртасидаги Жаҳон Чемпионатида жамоасини финалга қадар олиб борди. Мазкур терма жамоа етакчиси Ли Кан Ин («Валенсия») эса Осиёнинг энг яхши ёш футболчиси бўлди.

Фото: ОФК

Барча совриндорлар билан танишинг:

«Осиё Олмоси» — Ал Султон Абдуллоҳ

Йилнинг энг яхши ассоциацияси

«Оммавий футбол ривожига қўшаётган ҳиссаси учун» ОФК президенти соврини

Йилнинг энг яхши мураббийи (аёллар) — Асако Такакура (Япония)

Йилнинг энг яхши мураббийи (эркаклар) — Чун Жун Йон (Жанубий Корея)

Йилнинг энг яхши футзалчиси — Томоки Йошикава (Япония)

Йилнинг энг яхши футболчиси (аёллар) — Саки Кумагаи («Лион», Япония)

Халқаро майдондаги энг яхши осиёлик футболчи — Сон Ҳён Мин («Тоттенҳэм», Жанубий Корея)

Йилнинг энг яхши ёш футболчиси (аёллар) — Жун Эндо (Япония)

Йилнинг энг яхши ёш футболчиси (эркаклар) — Ли Кан Ин (Жанубий Корея)

Йилнинг энг яхши футболчиси (эркаклар) — Акром Ҳассан Афиф («Ас Садд», Қатар)