Сон Хюн, Марадона бўлиб кет-ей...

18.12.2019 01:21

626

СОН ХЮН МИН ИЖРОСИДАГИ БЕНАЗИР ГОЛГА ТАЪРИФ. Кореялик футболчи Англияда 7 нафар рақибидан ўзиб кетган ҳолда, ўта чиройли гол урди. Худди афсонавий Диего Марадона усулида. Тўғри, «Тоттенхэм» бош мураббийи Жозе Моуриньо қитъадошимиз ҳаракати маҳсулини аргентиналик даҳо эмас, балки бразилиялик «сўйлоқ» - Роналдо урган голга ўхшатди.

Жозе Моуриньо бошқарувидаги «Тоттенхэм» қаторасига 3та ғалабани тантана қилгач, орада Манчестерда битта мағлубиятни тан олди ва кейин яна чиройли ўйин воситасида ижобий натижага эришди. Тўғри, «шпорлар»нинг 16-турдаги рақиблари ўта хавфли эмасди — улар ўз майдонларида камтарин «Бернли»ни қабул қилишди. Муҳими, лондонликлар янги мураббий қўл остида илк марта йирик ҳисобда устун келишди. Ўзи Шон Дайч жамоасининг бемажол ҳолда «жимжимадор» мағлубиятга учраши дастлабки 10 дақиқадаёқ аён бўлиб улгурди. «Тоттенхэм» футболчилари бу вақт оралиғида меҳмонлар дарвозасини 2 марта нишонга олишди. Аввалига Гарри Кейн айнан Сон Хюн Мин узатмасидан фойдаланиб, узоқ масофадан кучли зарба йўллагач, тўп Ник Поуп дарвозасининг узоқ бурчагига бориб тушди. Шундан сўнг Лукас Моура керакли вақт рақиб жарима майдонининг энг «қайноқ» нуқтасида пайдо бўлди ва палапартишлик пайти тўпни дарвоза томон «юмалатди».

«Бернли» аъзоларининг кайфиятини батамом бузиш эса Ж.Корея миллий жамоаси етакчиси Сон Хюн Мин чекига тушди. Қитъадошимиз 32-дақиқада шундай ажиб юриш ортидан гол урдики, кўпчилик дарҳол Диего Марадонанинг ўша машҳур хатти-ҳаракатини эслади. Ўз жамоаси жарима майдонига яқин ҳудудда Ян Вертонгендан тўпни қабул қилиб олган кореялик чаққон футболчи бирданига тезлик олиб, олға чопди. Диққат қилинг, Сон Хюн Мин «Бернли» дарвозабони Поуп қаршисига ёлғиз етиб боришига қадар нақ 7 нафар рақибини алдаб ўтди. Муҳими, якунда чиройли юришига енгилгина хотима ясади - содда зарба билан тўпни дарвозанинг ўнг бурчагига йўллади.

Мезбонлар иккинчи бўлим бошида голлар феериясини давом эттиришди. Адолат юзасидан айтиш керак, «Бернли» ҳимояси жуда ношуд кўринди ва «шпорлар» деярли ҳар бир хатони муносиб жазолашди. Уумман, Сон Хюн Мин ўша куни ўша куни «Гол } пас» тизими бўйича 2 балл ишлади. «Ажойиб кун. Ҳеч қандай жароҳат йўқ, қуруқ ўйин, чиройли голлар, идеал футбол, — дея ўз хурсандчилигини яширмади Жозе Моуриньо ўйиндан кейин. - Шон Дайч учрашувдан сўнг биз унинг жамоасига қарши жуда кучли ўйин кўрсатганимизни таъкидлади. Бунинг учун ундан миннатдорман. Аслида Дайч жамоаси билан ўйнаш осон эмас, бугун эса чиндан ҳам, ўта фаол ҳаракатландик. Демоқчиманки, гап рақибнинг суст ўйинида эмас. Сон Хюн учун алоҳида хурсандман - эсда қоларли гол урди. Эсимда, «Барселона»да жаноб Робсонга ёрдамчилик қилганимда, Роналдо худди шунга ўхшаш гол урганди. Ажойиб голнинг ажойиб такрори».

Сўз

- Тўпни қабул қилгач, уни Деле Алли томон узатмоқчи бўлдим ва тезлик олишини кутдим. Бироқ жамоадошимни кўрмадим, шунинг учун олдинга югурдим, югуравердим. Бор гап шу. Сон Хюн Мин («Тоттенхэм» ярим ҳимоячиси|ҳужумчиси).

Сана	Турнир	Ўйин	Дақиқа	Гол	«Пас»
01.01.2019	АПЛ	«Кардифф» - «Тоттенхэм» - 0:3	76	1	1
04.01.2019	Англия кубоги	«Транмер Роверс» - «Тоттенхэм» - 0:7	65	1	2
08.01.2019	Лига кубоги	«Тоттенхэм» - «Челси» - 1:0	79	-	-
13.01.2019	АПЛ	«Тоттенхэм» - «МЮ» - 0:1	90	-	-
16.01.2019	Осиё кубоги	Ж.Корея - Хитой - 2:0	89	-	1
22.01.2019	Осиё кубоги	Ж.Корея - Баҳрайн - 2:1	120	-	-
25.01.2019	Осиё кубоги	Ж.Корея - Қатар - 0:1	90	-	-
30.01.2019	АПЛ	«Тоттенхэм» - «Уотфорд» - 2:1	90	1	-
02.02.2019	АПЛ	«Тоттенхэм» - «Ньюкасл» - 1:0	89	1	-
10.02.2019	АПЛ	«Тоттенхэм» - «Лестер» - 3:1	90	1	-
13.02.2019	ЕЧЛ	«Тоттенхэм» - «Боруссия» Д. - 3:0	90	1	-
23.02.2019	АПЛ	«Бернли» -«Тоттенхэм» - 2:1	88	-	-
27.02.2019	АПЛ	«Челси» - «Тоттенхэм» - 2:0	80	-	-
02.03.2019	АПЛ	«Тоттенхэм» - «Арсенал» - 1:1	79	-	-
05.03.2019	ЕЧЛ	«Боруссия» Д. - «Тоттенхэм» - 0:1	71	-	-
09.03.2019	АПЛ	«Саутгемптон» - «Тоттенхэм» - 2:1	19	-	-
22.03.2019	Ўртоқлик ўйини (терма жамоа)	Ж.Корея - Боливия - 1:0	90	-	-
26.03.2019	Ўртоқлик ўйини (терма жамоа)	Ж.Корея - Колумбия - 2:1	90	1	-
31.03.2019	АПЛ	«Ливерпуль» - «Тоттенхэм» - 2:1	22	-	-
03.04.2019	АПЛ	«Тоттенхэм» - «Кристал Пэлас» - 2:0	90	1	-
09.04.2019	ЕЧЛ	«Тоттенхэм» - «Манчестер Сити» - 1:0	90	1	-
13.04.2019	АПЛ	«Тоттенхэм» - «Хаддерсфилд» - 4:0	4	-	1
17.04.2019	ЕЧЛ	«Манчестер Сити» - «Тоттенхэм» - 4:3	90	2	-
20.04.2019	АПЛ	«Манчестер Сити» - «Тоттенхэм» - 1:0	90	-	-
23.04.2019	АПЛ	«Тоттенхэм» - «Брайтон» - 1:0	90	-	-
27.04.2019	АПЛ	«Тоттенхэм» - «Вест Хэм» - 0:1	90	-	-
04.05.2019	АПЛ	«Борнмут» - «Тоттенхэм» - 1:0	43	-	-
08.05.2019	ЕЧЛ	«Аякс» - «Тоттенхэм» - 2:3	90	-	-
01.06.2019	ЕЧЛ	«Тоттенхэм» - «Ливерпуль» - 0:2	90	-	-
07.06.2019	Ўртоқлик ўйини (терма жамоа)	Ж.Корея - Австралия - 1:0	90	-	-
11.06.2019	Ўртоқлик ўйини (терма жамоа)	Ж.Корея - Эрон - 1:1	90	-	-
21.07.2019	Халқаро Чемпионлар кубоги	«Ювентус» - «Тоттенхэм» - 2:3	46	-	-
25.07.2019	Халқаро Чемпионлар кубоги	«Тоттенхэм» - «МЮ» - 1:2	45	-	1
04.08.2019	Халқаро Чемпионлар кубоги	«Тоттенхэм» - «Интер» - 1:1	57	-	-
25.08.2019	АПЛ	«Тоттенхэм» - «Ньюкасл» - 0:1	90	-	-
01.09.2019	АПЛ	«Арсенал» -«Тоттенхэм» - 2:2	79	-	1
05.09.2019	Ўртоқлик ўйини (терма жамоа)	Ж.Корея - Грузия - 2:2	62	-	1
10.09.2019	ЖЧ-2022 саралаши	Туркманистон - Ж.Корея - 0:2	90	-	-
14.09.2019	АПЛ	«Тоттенхэм» - «Кристал Пэлас» - 4:0	90	2	-
18.09.2019	ЕЧЛ	«Олимпиакос» - «Тоттенхэм» - 2:2	18	-	-
21.09.2019	АПЛ	«Лестер» - «Тоттенхэм» - 2:1	90	-	1
24.09.2019	Лига кубоги	«Колчестер» - «Тоттенхэм» - 0:0	55	-	-
28.09.2019	АПЛ	«Тоттенхэм» - «Саутгемптон» - 2:1	64	-	1
01.10.2019	ЕЧЛ	«Тоттенхэм» - «Бавария» - 2:7	90	1	-
05.10.2019	АПЛ	«Брайтон» - «Тоттенхэм» - 3:0	73	-	-
10.10.2019	ЖЧ-2022 саралаши	Ж.Корея - Шри Ланка - 8:0	62	2	-
15.10.2019	ЖЧ-2022 саралаши	КХДР - Ж.Корея - 0:0	90	-	-
19.10.2019	АПЛ	«Тоттенхэм» - «Уотфорд» - 1:1	45	-	-
22.10.2019	ЕЧЛ	«Тоттенхэм» - «Црвена Звезда» - 5:0	68	2	-
27.10.2019	АПЛ	«Ливерпуль» - «Тоттенхэм» - 2:1	90	-	-
03.11.2019	АПЛ	«Эвертон» - «Тоттенхэм» - 1:1	79	-	1
06.11.2019	ЕЧЛ	«Црвена Звезда» - «Тоттенхэм» - 0:4	75	2	1
09.11.2019	АПЛ	«Тоттенхэм» - «Шеффилд Юнайтед» - 1:1	90	1	-
14.11.2019	ЖЧ-2022 саралаши	Ливан - Ж.Корея - 0:0	90	-	-
19.11.2019	Ўртоқлик ўйини (терма жамоа)	Бразилия - Ж.Корея - 3:0	90	-	-
23.11.2019	АПЛ	«Вест Хэм» - «Тоттенхэм» - 2:3	90	1	1
26.11.2019	ЕЧЛ	«Тоттенхэм» - «Олимпиакос» - 4:2	90	-	1
30.11.2019	АПЛ	«Тоттенхэм» - «Борнмут» - 3:2	88	-	2
04.12.2019	АПЛ	«МЮ» - «Тоттенхэм» - 2:1	90	-	-
07.12.2019	АПЛ	«Тоттенхэм» - «Бернли» - 5:0	90	1	1
11.12.2019	ЕЧЛ	«Бавария» - «Тоттенхэм» - 3:1	25	-	-
Жами:			4655	23	17