KPMG Football Benchmark консалтинг компанияси ўз таҳлилларидан келиб чиқиб, жаҳоннинг энг қимматбаҳо футболчилари рейтингини эълон қилди. Бунда гуруҳ экспертлари Opta таҳлилий компанияси тақдим этган статистик маълумотлар асосида Энг кучли 12та миллий чемпионатда тўп сураётган жами 5000 нафардан кўп футболчилар трансфер баҳосини ҳисоблаб чиқишган. Демак, якуний хулосага кўра, айни пайт жаҳон футболидаги энг қимматбаҳо ўйинчи  - бу «ПСЖ» клуби ва Франция миллий жамоасининг иқтидорли ҳужумчиси Килиан Мбаппе.

*** KPMG Football Benchmark ўз таҳлилида Аргентина, Бельгия, Бразилия, Англия, Франция, Германия, Италия, Голландия, Португалия, Испания ва Туркия миллий чемпионатлари юқори дивизиони ҳамда Англия футбол тизимидаги иккинчи рақамли лига -  Чемпионшипда тўп сураётган ўйинчиларга эътибор қаратган.

*** Хулосага кўра, энг қимматбаҳо футболчи Килиан Мбаппенинг трансфери 225 миллион еврога тенг. Эътиборли томони, элит рўйхатнинг 2-қаторига ҳам «ПСЖ» вакили қўйилди - Неймар. Бразилиялик юлдузнинг трансфери 185 миллион еврога баҳоланди.

*** «Олтин тўп»нинг 6 карра соҳиби Лионель Месси фахрий ёшда бўлсада, рейтингда 3-ўринни эгаллади - 180 миллион евро.

*** «Олтин тўп»нинг 5 карра лауреати Криштиану Роналдуга юқори 15таликда жой топилмади. Унинг айти пайтдаги трансфер баҳоси 100 миллион евродан ҳам кам.

*** Футболчининг трансфер баҳосини чиқаришда жумладан, қуйидаги жиҳатлар эътиборга олинган:

— амплуаси;

— ёши ва мамлакати;

— шарномаси муддати;

— индивидуал статистикаси (голлар, узатмалар, ўйин вақти, дриблинг, яккакурашлар ва ҳоказо);

— тартиб-интизом (сариқ ва қизил карточкалар сони, қўполликлар миқдори);

— миллий жамоадаги шахсий кўрсаткичлари;

— медиа ва тижорат салоҳияти;

— Клубининг натижалари, иқтисодий ва молиявий ҳолати;

— жамоа учун муҳимлик даражаси.

Жаҳоннинг энг қимматбаҳо футболчилари (KPMG Football Benchmark талқини)