Нуфузли ва «Ливерпуль» клубига яқин бўлган барча манбалар тасдиқлашди: қишда «Зальцбург» футболчиси Такуми Минамино «қизиллар» сафига қўшилади. Айни пайт Юрген Клопп жамоаси «РБ» билан келишувнинг сўнгги босқичида турибди. Хабарларга кўра, япониялик учун 7,25 млн. фунт тўланади - унинг шартномасида айнан шунча товон пули кўрсатилган.
Эътиборлиси, Такумини кузатиш учун «Ливерпуль» скаутларини овора қилишга ҳожат қолмади. Чемпионлар Лигаси доирасидаги «Зальцбург»га қарши кечган иккита ўйинда Минаминонинг ҳаракатлари Клопп ва унинг штабида ёрқин таассурот қолдирди. The Times маълумотларига кўра, «самурай»ни сотиб олиш ташаббуси айнан «қизиллар» устозидан чиққан. Унга Такумидаги универсаллик ва ғайрат-шижоат маъқул келган.
«Ливерпуль» ишқибозлари Такумининг хариди ҳақидаги хабарлар тарқалишидан аввал «Твиттер»да японияликнинг Клоппга мос тушадиган футболчи эканлиги, иккинчи Фирмино бўлиши мумкинлигини айтишганди.
Иккинчи Фирмино - бу чиндан ҳам муҳим ўхшатиш. Минаминода ҳам прессингларда фаол қатнашиш, шерикларига бўш ҳудудлар яратиш хусусиятлари бор. Айни пайт «Ливерпул»да Фирминони алмаштирадиган футболчи йўқ. Ориги - мутлақо бошқача ўйинчи, Роберто жароҳат олганда, унинг қанотдаги ўрнини тўлдиради.
Мазкур ҳолатда Минамино иштиёқ, меҳнатсеварлик ва прессингнинг уч хил структурасини айнан «Зальцбург»да ўзлаштирди. Япониялик «РБ»га эндигина келганида, жамоада Ади Хюттер ишлаётганди: бу мураббий ёввойи прессинг ва қарши прессингни хуш кўриши билан танилган. Минамино жамоага тезда мослашиб, шундай деганди: «Бу айнан менга ёқадиган услуб. Мен агрессив футбол тарафдориман. Энг устун жиҳатларим сифатида дриблинг, тезлик ва дарвоза томон йўлланадиган зарбаларни айтишим мумкин».
Кейинчалик клубда Марко Розе ишлади - яна бир суперҳужумкорликни яхши кўрадиган, вертикал футбол ва прессинг тарафдори бўлган мураббий. Розе (футболчилик даврининг деярли бутун қисмини Клопп бошқарувидаги «Майнц»да ўтказган) ҳам Минаминога жуда катта таъсир ўтказди (улар икки йил бирга ишлашди).
Розедан сўнг Жесси Марш келди ва унинг қўл остидаги «Зальцбург» янада агрессив ва фаолроқ прессинг кўрсата бошлади, аввалгидан фарқ қиладиган хилма-хиллик кузатилди. Минамино Марш йўлга қўйган ўйиннинг барча тизимларида энг фаол футболчи бўлди.
Шунингдек, Такумининг универсаллиги ҳақида гапирсак. Болалик-ўсмирлик чоғларида у марказий ҳужумда ўйнаган. Австрияга кўчиб ўтишдан аввал ҳужумкор ярим ҳимоячи бўлган. Австрияда эса барча чизиқларда тўп сурди: чап ва ўнг қанот вингери, соф ҳужумчи, орқароққа сурилган форвард; баъзан эса ҳимояга ёрдамлашувчи ярим ҳимоячи сифатида майдонга тушарди.
Жорий мавсум Такуми кўпроқ ўнг қанотда ўйнаяпти, айни пайт унинг кўрсаткичлари ажойиб: 22 ўйинда 9та гол ва 11та самарали узатма.
«Ливерпуль» учун бу келишув катта фойда келтириши турган гап. Ёзда «қизиллар» пул сарфлашмади, чунки жамоани кучайтириши мумкин бўлган, кичикроқ суммага эга (клуб ва Клопп учун кўп пул тўламаслик жуда муҳим жиҳат) аниқ вариантлар йўқ эди.
Минаминонинг трансфери «Ливерпуль» учун ҳар тарафлама қулай.
7 млн. фунт - бугунги футбол бозори учун сариқ чақадек гап.
Биринчидан, Фирминонинг жойи ёпилади, иккинчидан, ҳужумнинг бошқа позициялари тўлдирилади.
Жамоа сўнгги 4,5 йил мобайнида интенсив ва прессингга асосланган, асосийси, Клоппга ёқадиган ўйинда тобланган футболчига эга бўлмоқда.
«Ливерпуль» охирги йилда ўз олдига аниқ мақсад қўйди: клуб брендини Узоқ Шарқда оммалаштириш. Минамино япониялик, ўз юртида мухлислари кўп. Табиийки, улар ўз кумирлари «Ливерпул»га ўтса, «қизиллар»нинг либосларини сотиб олишга интилишади.
А.АБДУВАЛИХЎЖАЕВ тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20