Маълум бўлишича, Германия Бундеслигаси 15-турида «Вердер» дарвозасига нақ 3та гол уриб, «Бавария»нинг 6:1 ҳисобида ғалаба қозонишига катта ҳисса қўшган бразилиялик Филиппе Коутиньо ўша учрашувда болалар футболкасида ҳаракатланган экан. Қолаверса, форма фақат ўлчам эмас, яна матоси билан ҳам Мюнхен клубининг оригинал либосидан кескин фарқланган...
Ҳа, Footy Headlines сайтининг аниқлаштиришича, Филиппе Коутиньо «Вердер»га қарши кечган баҳсда майдонга «Бавария» фан-дўконида сотиладиган оддий футболкада тушган. Бразилиялик кийган либос ва клубнинг оригинал формаси ўртасида бир нечта яққол фарқли жиҳати бор:
1. Барча логотиплар ва ҳомий номи тикиб қўйилган. Оригинал формага эса улар термоқурилма билан ёпиштирилади.
2. Футболка матосининг сифати. «Бавария»нинг асл футболкаларини тикишда унинг мухлислар учун чиқарилган либосдан енгилроқ бўлишига алоҳида эътибор қаратишади. У шунингдек, футболчи терлаганда, намланиш натижасида оғирлашмайдиган махсус материалдан тикилади.
3. Энг қизиқарли фарқ - Коутиньо майдонга катталар эмас, балки болалар учун мўлжалланган либосда тушган. Йўқ, «Бавария»дек клубда футболка етишмовчилиги бўлиши мумкин эмас. Дейлик, «Бавария»нинг энг охирги янги футболчилари - Иван Перишич ва Микаэль Кюизанс ҳам оригинал майка олишган. Фақат Коутиньога янги либос тўғри келмаган, асосан ёқаси туфайли. Хуллас, катталар формаси кенглик қилган. Бундеслига расмий сайтида хабар берилишича, «Бавария» маъмурлари бу ҳолатда шунчаки, Коутиньога бўйи чамаси 176 сантиметрга тенг болалар учун тайёрланган футболка беришган. Эслатма, Филиппенинг бўйи - 172 сантиметр. Муҳими, бразилиялик футболчи юзага келган ноодатий ҳолатга парво қилмади ва ўйин давомида «Вердер» дарвозасини 3 бора нишонга олишдан ташқари, 2та самарали узатмага муаллифлик қилди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20